رحمة حسن بعد إصابتها بالصلع: الاعتذار مش هيرجع شعري تاني
كشفت الفنانة رحمة حسن، عن تطورات جديدة في أزمتها الأخيرة مع إحدى العيادات الطبية لمستحضرات التجميل، عبر حسابها الرسمي على موقع تبادل الصور والفيديوهات الشهير "إنستجرام".
وكتبت رحمه حسن، قائلة :"العيادة تواصلت معايا امبارح بعد ما نزلت البوست !! وأنا رديت عادي لإني شخص كويس ومحترم، هما قالولي أسفين إن ده حصل وعايزينك تيجي العيادة".
وأضافت رحمو حسن، قائلة :"هنكلمك بكرة وكده كلام بس علشان مشتكيش وقالولي ليه مقولتيش قبل، قولت إني بعت بعدها بأقل من شهر وردكم كان هتكلموني لكن محدش كلمني أو تواصل معايا".
وتابعت رحمة حسن، قائلة :"الحقيقية إني عمري ما كنت هتعامل أبدًا معاهم أبدًا، لإنهم معندهمش ضمير مهني أبدًا بالنسبة للي حصل، اتمني إن ده ما يحصلش لحد تاني وأكيد بالنسبالي كل حاجة هتكون كويسة".
وأردفت رحمة حسن، قائلة :"اتمني مصر يكون فيها أطباء كتير كويسين، شكرًا، و بعتذر إني مش برد علي صحافة أو قنوات، اتمني محدش يزعل ده مش جديد أنا ديمًا مش برد من زمان".
واختتمت رحمة حسن، قائلة :"المشاركة دائمًا بتكون حب، توعية، إحساس بالمسؤولية وأيضا مشاركة معنها الحرفي، إنما بالنسبة للعيادة أنا مش مسمحاهم أبدًا ولا هسامحهم هما أو الدكتورة المسؤولة، ولا هقبل اعتذار لإن اعتذارهم مش هيرجع شعري تاني في يوم وليلة".
