هاكرز يضرب تطبيق انستاباي ويسرق محافظ العملاء، (فيديو)
تعرض أحد المواطنين لعملية نصب عبر اختراق الهاكرز لتطبيق "انستاباي"، موجهًا رسالته بقوله: السلام عليكم أرجوكم المساعدة. أنا تمت سرقتي في مبلغ 82500ج من انستابای، جالى إشعار على الموبايل زي اللي بييجي بعد انتهاء المكالمة في الشاشة، من تحت من انستاباي".
كيف تحمي فلوسك من هاكرز انستاباي؟
وأوضح الضحية أن الإشعار الذي تلقاه بيقول: "تم خصم مبلغ 2500ج من حسابك برجاء التوجه لحسابك للتأكد من المبلغ المخصوم دخلت على انستابای وكتبت الباسورد عشان اشوف الرصيد الرصيد زي ما هو ولا لأ"
ويشير ضحية الهاكرز عبر تطبيق أنستاباي، أنه بعد أقل من دقيقة واحدة فوجئ أن لون شاشة التليفون قفلت أسمر، وطلع صورة الريبوت بتاع الأندرويد وبار بيحمل، تحته مكتوب جاري تثبيت تحديث النظام لمدة 5 دقائق.
ويضيف الضحية إن بعد ذلك التليفون فتح، فقام بالدخول على تطبيق انستابای، لكي يطمئن على رصيد محفظته، فوجد أن هناك عمليات تحويل مالية من رصيد محفظته لم يقوم بتحويلها، حيث اكتشف عمل تحويلات لمعاملتين، الأولى بمبلغ 60000 جنيه، والثانية بمبلغ 22500جنيه على محفظتين مختلفتين 012.
وناشد ضحية واقعة النصب عبر اختراق تطبيق "انستاباي" قائلًا: أرجوكم حد يساعدني ارجع الفلوس وجزاكم الله خيرا الصور المرفقة للتحويلات اللي اتسرقت بيها بأرقام المحافظ التي تم اختراقها.
تحذير: الطريقة الجديدة لسرقة فلوسك من InstaPay
اللي حصل مع شاب من الزقازيق مش فيلم ولا قصة مبالغ فيها، وخلال دقائق قليلة خسر 82,500 جنيه بسبب حيلة تقنية جديدة وخطيرة اسمها Flash SMS.
الموضوع مش لينك مضروب ولا رسالة نصب عادية، دي طريقة ذكية بتخلي الضحية يفتح التطبيق بنفسه ويسلم الحساب للمخترق من غير ما يحس، ياريت تخلّي بالك كويس لأن السيناريو ده بدأ ينتشر، وأي موبايل ممكن يكون الضحية القادمة.
كيف تمن تنفيذ سيناريو الاختراق خطوة بخطوة؟
1-الرسالة الخاطفة (Flash SMS)
فجأة ظهرت رسالة على الشاشة زي رسائل الرصيد أو إشعارات الشبكة، بتقول إن في مبلغ تم خصمه وبتطلب منك تدخل على التطبيق تتأكد.
الرسالة شكلها رسمي جدًا وبتظهر فجأة، فطبيعي إن أي حد يقلق ويفتح التطبيق فورًا.
2-الفخ الحقيقي
أول ما الضحية فتح InstaPay وكتب الباسورد، كان فيه تطبيق تجسس شغال في الخلفية بيراقب الشاشة بالكامل ويسجل كل اللي بيحصل لحظة بلحظة.
3-السيطرة على الموبايل
بعد ثواني الشاشة أغلقت وظهر شكل روبوت الأندرويد مكتوب عليه:
“جاري تحديث النظام…”
الضحية افتكر إن ده تحديث طبيعي، لكن الحقيقة إن الشاشة كانت وهمية عشان تشغله بعيد عن اللي بيحصل.
4-سرقة الأموال
في الخلفية المخترق بدأ يحول الفلوس بسرعة لمحافظ إلكترونية:
60 ألف جنيه، وبعدها 22,500 جنيه، وكل ده حصل في دقائق.
كيف تحمي نفسك من هذا النوع من الاختراق؟
- أي رسالة منبثقة تطلب منك فتح تطبيق بنكي = إنذار خطر، لأن التطبيقات البنكية لا تطلب منك الدخول بهذه الطريقة.
- ممنوع تحميل تطبيقات APK من خارج المتجر الرسمي، لأن معظم عمليات التجسس بتدخل من تطبيق شكله عادي لكنه مخفي.
- راجع صلاحيات التحكم في الجهاز فورًا من خلال الدخول على "الإعدادات → الأمان → تطبيقات إدارة الجهاز"، وتأكد مفيش تطبيق غريب له صلاحية تحكم.
- راقب استهلاك الإنترنت، وأي تطبيق مجهول بيستهلك نت في الخلفية بشكل كبير احذفه فورًا.
- افحص موبايلك ببرنامج حماية قوي زي Malwarebytes أو Kaspersky عشان تكتشف برامج التجسس المخفية.
النصيحة الأهم (لو حصل معاك موقف مشابه)
لو الشاشة قفلت فجأة أو ظهر تحديث غريب وانت ما طلبتش ده:
- اقفل الإنترنت فورًا (Wi-Fi + داتا)
- اقفل الموبايل تمامًا لحد ما تتأكد إن الجهاز آمن.
اقرأ المزيد:
القهوة أو الشاي تحميك من الزهايمر، كم كوب يوميًا؟
عارضة أزياء تقاضي فندق 5 نجوم بسبب "قصة شعر" وتحصل على تعويض، ما القصة؟
تابع موقع الأيام المصرية عبر قناة (يوتيوب) اضغط هــــــــــــنا
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثل سعر الدولار،سعر الذهب،أخبار مصر،سعر اليورو،سعر العملات ،جميع الدوريات.
