ننشر تفاصيل قصة "فتاة الأتوبيس" بطلة واقعة التحرش في البساتين

الإثنين، 09 فبراير 2026 02:34 م

تمكنت أجهزة الأمن بمديرية أمن القاهرة من القبض بطل واقعة التحرش بالفتاة “مريم شوقي” بعد أن قام بملاحقتها داخل أتوبيس نقل عام في منطقة البساتين.

تحرك الأجهزة الأمنية للقبض على الشاب المتحرش جاء على خلفية انتشار مقطع فيديو على مواقع التواصل الاجتماعي، تمكنت خلاله مريم شوقي من تصوير لشاب المتحرش وتوثيق الواقعة بكاميرا هاتفها المحمول.

وفي رده على ما وثقته كاميرا مريم شوقي، خرج الشاب المتهم في الواقعة، ويدعى أسامة، في مقطع فيديو، يقول فيه: إنه بعد الخروج من عمله ، استقل أتوبيس نقل عام متوجها إلى منزله، وان الفتاة مريم شوقي كانت تقف إلى جواره، وأنه كان يقف بعيدا عنها تقريبا مسافة تزيد عن متر ونصف المتر.

وقال الشاب في الفيديو المتداول: أنه أثناء استقلاله الأتوبيس تفاجئ بصراخ الفتاة في وجههه وهى ترددبصوت مرتفع، قائلة: "متحرش، متحرش متحرش وحرامي"، وقال أسامة أنه لم يرد وان كمسري الاتوبيس هو من رد عليها بقوله " هو ماعملكيش حاجة والراجل واقف بعيد عنك"، والمفاجأة ظهرت في ردها - حسب تعبيره - عندما قالت له" دا سرق مني 200 جنيه".

وأضاف: الناس استغربت من حالة البنت وبيقولو عندها حالة، وهي بتقول إن الحوار ده كله بقاله أسبوع، وأنه بيراقبني بقاله أسبوع".

وأضاف الشاب: "من ناحية اللبس، كان في راجل كبير قاعد جنبي اللي بيعيبوا عليه، الراجل قالها: الدين برئ منك، وأنا قولتلها: أنتي تعرفي إيه عن الدين باللبس اللي لابساه ده؟ والبنات إللي في الأتوبيس نفسها تبعدني عنها لأن شكلها مريضة.

وأكمل قائلًا: أنا بني آدم محترم ومتربي ومتجوز وعندي أم وأخت، وحسبي الله ونعم الوكيل، وربنا يظهر الحق والغلطان هيتعاقب. وأنا بناشد وزارة الداخلية، وعايز حقي منها علشان شهرت بيا".

تفاصيل واقعة تحرش شخص بفتاة في الأتوبيس

بدات تفاصيل الواقعة تظهر للمتابعين بعد نشر مريم شوقي فيديوهات ومنشورات على فيسبوك، حيث قالت: "أنا تم التحرش بيا ومحاوله سرقتي، على سلم البارون وأنا رايحة شغلي، والشخص مشي ورايا، والأتوبيس كله حاول يداري عليه، أنا مش هستني أكون ضحيه زي كل بنت راحت بسبب شخص مريض، أنا خسرت شغلي بسبب متحرش، وأنا دافعت عن نفسي، وعشان سلامي مش هروح الشغل تاني".

محاولة المتهم في منع الفتاة من التصوير

وأظهرت الفيديوهات محاولة الشخص الاستيلاء على هاتفها المحمول أثناء تصويرها له، حيث قالت: “والله هصورك هيترد لك كل اللي أنت عملته دا، بص للكاميرا يا متحرش، عايز ياخد مني الموبايل”،وقالت مريم إن حالتها النفسية متدهورة، وإنها حررت محضرا بالواقعة في قسم المقطم.