بنتنا أصلا مخطوبة، الظهور الأول للمنتقبة ونجلتها صاحبة تريند رفض عريس يوضحان القصة (شاهد)

في ظهورهما الأول، نفت الأم المنتقبة وابنتها اللتين ظهرتا في فيديو سابق وكأنهما يسخران من عريس تقدم للبنت، لأنه غير جاهز ماديا، كل الاتهامات التي وجهت لهما.

وقالت الأم: "مفيش أي عريس أصلا، لكن الحقيقة أن أختها الصغيرة حلمت أنها جايلها عريس، فاحنا كنا بنهزر، لكن مفيش أي شاب أصلا اتقدم ولا طلبنا منه أي حاجة".

وأضافت: "ليه شتمونا وبهدلونا، بنتي حالتها النفسية وحشة جدا بقالها يومين ومن لحظة نشر الفيديو السابق منزلتش الشغل".

وتدخلت الفتاة في الحديث قائلة: "لا كان قصدي ترند ولا حاجة، كنا بنهزر وبس، وقلنا أساسا أنه كان حلم".

وكشفت الأم عن أن الفيديو السابق له جزء تم اقتطاعه، كانت ابنتي تقول تعالي يا ماما احكيلك حلم.. والله يسامحه اللي نزل الفيديو وقص الجزء الأولاني".

وتابعت الأم: "بنتي مخطوبة وفرحها بعد أسبوعين وبعد اللي حصل الله أعلم إيه اللي هيتم.. ومش مسامحة أي حد غلط فيا أو في بنتي".

ومؤخرًا، تصدرت قصة عروسة رفضت عريسًا بعد ما نشرت تفاصيل تقدّمه لها على السوشيال ميديا، خاصةً على تيك توك. الفتاة نشرت فيديو بتشكي فيه من ظروف العريس المادية، وبتتكلم عن إنها ما شافتش منه التقدير اللي تستحقه.

وتم تداول فيديو على مواقع التواصل الاجتماعي، يحمل عنوان “أم منتقبة وبنتها راح ليهم عريس مهندس وبعد ما مشي من البيت عملوا لايف بيتريقوا عليه”، ما أثار حالة من الجدل.

الفيديو ده انتشر بشكل كبير جدًا، لكن بدل ما يحظى بتعاطف الناس، حصل عكس كده. الناس انتقدت الفتاة بشدة، واعتبروا تصرفها قلة ذوق وتنمر على العريس وظروفه. كمان، تمّ انتقادها لأنها استغلت الموضوع عشان تعمل ترند وتزيد شهرتها على السوشيال ميديا.

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.