رحمة حسن تتعرض لإصابة جديدة بعد الصلع (صور)
أعلنت الفنانة رحمة حسن، عن تعرضها لجذع في يدها اليمنى، عبر حسابها الرسمي على موقع تبادل الصور والفيديوهات الشهير "إنستجرام".
ونشرت رحمة حسن، صور لها وهي ترتدي رباط ضاغط، وعلقت عليه قائلًا :"الحمدلله دائما و أبدًا".
وتأتي إصابة رحمة حسن، بعد إصابتها بالصلع، عقب خضوعها لإحدى عمليات التجميل بعيادة طبية لمستحضرات التجميل.
رحمة حسن ترفض اعتذار عيادة طبية
وأكدت رحمة محسن، أنها لم تقبل اعتذار تلك العيادة الطبية لمستحضرات التجميل، إذ تواصلوا معها ولكنها رفضت، من أجل توعيه الجمهور.
وأعلنت رحمه حسن، رفضها للاعتذار عبر "إنستجرام"، قائلة :"العيادة تواصلت معايا امبارح بعد ما نزلت البوست !! وأنا رديت عادي لإني شخص كويس ومحترم، هما قالولي أسفين إن ده حصل وعايزينك تيجي العيادة".
وأضافت رحمة حسن، قائلة :"هنكلمك بكرة وكده كلام بس علشان مشتكيش وقالولي ليه مقولتيش قبل، قولت إني بعت بعدها بأقل من شهر وردكم كان هتكلموني لكن محدش كلمني أو تواصل معايا".
وتابعت رحمة حسن، قائلة :"الحقيقية إني عمري ما كنت هتعامل أبدًا معاهم أبدًا، لإنهم معندهمش ضمير مهني أبدًا بالنسبة للي حصل، اتمني إن ده ما يحصلش لحد تاني وأكيد بالنسبالي كل حاجة هتكون كويسة".
وأردفت رحمة حسن، قائلة :"اتمني مصر يكون فيها أطباء كتير كويسين، شكرًا، و بعتذر إني مش برد علي صحافة أو قنوات، اتمني محدش يزعل ده مش جديد أنا ديمًا مش برد من زمان".
واختتمت رحمة حسن، قائلة :"المشاركة دائمًا بتكون حب، توعية، إحساس بالمسؤولية وأيضا مشاركة معنها الحرفي، إنما بالنسبة للعيادة أنا مش مسمحاهم أبدًا ولا هسامحهم هما أو الدكتورة المسؤولة، ولا هقبل اعتذار لإن اعتذارهم مش هيرجع شعري تاني في يوم وليلة".
