رحمة حسن تعلن إصابتها بالصلع نتيجة خطأ طبي (صور)

أعلنت الفنانة رحمة حسن، عن مرورها بحالة صحية سيئة نتيجة خطأ طبي أسفر عن إصابتها مرض الصلع، عبر حسابها الرسمي على موقع تبادل الصور والفيديوهات الشهيرة "إنستجرام".

ونشرت رحمة حسن، صوره لها توضح إصابتها بالصلع، وعلقت قائلة :"شعري بدأ يقع من الجذور و يقع أكتر بعد ما رحت عيادة في الزمالك والمفروض إنه أفضل حاجة موجودة".

وتابعت رحمة حسن، قائلة :"كشفت وعملت التحليل المطلوبة كلها، كان شعري عادي خفيف تعبان لكن مش بيقع، بيقع كام شعرة عادي !، بعد ما روحت و عملت التحليل الدكتورة قالتلي كلها تمام ممكن بس الحديد نازل شويا ! ممكن ناخد حديد".

وأضافت رحمة حسن، قائلة :"هنعمل بلازم من دمك يعني حاجة كويسة وأمان ميه في المية! أوكي، طبعًا، المهم روحت و سألتني الدكتورة قبل البلازمة بعد سحب الدم! أخبار الضغط بتاعك إيه! قولت مش عارفة!، قالتلي طيب المهم عملت البلازمة وميزوثاربي!!!! مش بلازمة بس !".

وأكملت رحمة حسن، قائلة :"الكارثة إنه حطتلي حقنة مينوكسيديل، مع الحقنة وعملتها بالميزوثاربي!، وطبعًا أنا معرفتش غير لما روحت البيت لأن كان ضربات قلبي غريبة وحسه إني تعبانة و دماغي ثقيلة". 

وأردفت رحمة حسن، قائلة :"بشوف الفاتورة لقيته إنها حطتلي مينوكسيديل، بدون ما ترجعلي الأول وأنا كنت بس مفروض أعمل بلازمة فقط من دمي بس". 

وأوضحت رحمة حسن، قائلة :"من ساعتها شعري بيقع كل يوم ومافيش بيبي هير بيطلع أصلا ولو طلع بيقع تاني علي طول". 

واستكملت رحمة حسن، قائلة :"لو أعرف من الأول مكنتش روحت أبدًا، لإنهم حطولي حاجة أول مرة استعملها بدون ما يرجعولي الأول، و في حاجة مهمة زي دي كان عندي ثقة قبل ما أروح لكن طبعًا بعد اللي حصل مروحتش تاني أبدًا وشعري فضل يقع من ساعتها أكتر وأكتر".

إقرأ أيضًا

روكي الغلابة يهدي عرضه الأول إلى سمير غانم ودلال عبد العزيز

هروب وفاء عامر من المطار، الفنانة ترد على شائعات سفرها خارج البلاد

واختتمت رحمة حسن، قائلة :"كل الناس عارفة إنك لو استعملت المينوكسيديل مينفعش يتوقف، وهما عملو الكارثة دي بدون ما يقولولي الأول حتي، ومن ساعتها وأنا شعري و نفسيتي في الأرض".