"هحطها جوه عيوني "، زوج أسما شريف منير يوجه رسالة لوالدها بعد تصدرها التريند
بعد أن تصدرت الإعلامية أسما شريف منير قوائم التريند مؤخرًا بإعلان زواجها الثالث، أثار زوجها الفنان ومصمم الرقصات المعاصر أحمد شامل عزمي تفاعلًا كبيرًا على مواقع التواصل، عقب نشره رسالة مؤثرة تحدث فيها عن مشاعره تجاه زوجته، وتقديره لعائلتها، ورؤيته للعلاقة الزوجية من منظور إنساني وديني عميق.
رسالة أحمد شامل: "أسما في عيني.. ووالدها محل ثقتي"
قال أحمد شامل في رسالته:"أنا متشرف جدا إن أسما مراتي، وأهلها الطيبين المحترمين اللي عندهم إحساس بالبشر علموني حاجات كتير، بشكر والد أسما على الثقة اللي إداهالي، وعايز أطمنه إن أسما في عيني، وبوعده إني هبذل أقصى ما عندي عشان أسعدها".
تابع قائلًا:"رأيي الشخصي إن العلاقات دايمًا بتحتاج مجهود من الطرفين عشان يحتووا ويقدروا بعض، الرجالة بالذات عليهم دور القوامة، وده في الدين،بس القوامة مش معناها التسلط زي ما أغلب الرجالة فاهمة هي رعاية ومسؤولية".
وأكد أن الزوج الحقيقي يجب أن يكون داعمًا لزوجته، سندًا لها، ويتعامل معها برحمة واحترام، مشددًا على أهمية التوجه الروحي في العلاقة: قائلًا: "الراجل لازم يكون داعم وسند لمراته، ويتعامل معاها برحمة واحترام، لما بنشد بعض لطريق ربنا، ونتعامل بنية صادقة، ربنا بيكرمنا وبيعود علينا برزق وحاجة فيها هدوء وأمان".
وختم أحمد شامل رسالته بنصيحة قال فيها:"عندي رسالة بسيطة قوي: دوروا على رضا ربنا، واسعوا وتوكلوا عليه، بالمعاملة الكويسة، الرحمة، وحب الخير، مش هتلاقوا غير خير ورزق واسع وأماني بتتحقق".
