"عيطت من الفرحة".. الأولى على الشهادة الإعدادية بالجيزة تكشف شعورها بعد النتيجة (خـاص)

حققت الطالبة غالية الشريف المركز الأول على مستوى محافظة الجيزة في الشهادة الإعدادية 2026، بعدما حصلت على الدرجة النهائية 280 من 280، مؤكدة أن التفوق كان ثمرة اجتهاد طوال العام ودعم كبير من أسرتها.

حسيت إن تعبي مراحش على الفاضي.. غالية تكشف عن شعورها بعد ظهور النتيجة

وقالت غالية: "أول ما ظهرت النتيجة حسيت بفرحة كبيرة جدًا وعيطت في الوقت ده، عشان حسيت إن جهدي مراحش على الفاضي، وإن كرم ربنا كان كبير، وإنه جبر بخاطري وبخاطر أهلي".

والدتها كانت أول من أخبرها بالنتيجة

وكشفت الأولى على الجيزة عن لحظة معرفتها بالنتيجة قائلة: "ماما هي اللي عرفتني النتيجة، واللي كانوا بيساعدوني أكتر حاجة هما أمي وأبويا، وأهلي كلهم كانوا بيدعموني، أمي كانت بتتعب معايا في كل حاجة، وأبويا كمان كان بيتعب معايا، وربنا يخليهم ليا".

وأكدت غالية: "أنا كنت متوقعة إني أجيب 280 من 280، لأن الترم الأول جبت 140 من 140، وده كان فضل من ربنا، وقلت طالما جبت الدرجة النهائية في الترم الأول، يبقى أكمل بنفس الاجتهاد في الترم الثاني، والحمد لله ذاكرت واجتهدت وربنا كرمني بالنتيجة".

وأضافت غالية: "كنت بطلع من كل امتحان أراجع إجاباتي وأتأكد إنها صح 100%، وكنت واثقة إن ربنا هيعوضني على تعبي وأجيب 280 من 280".

غالية تكشف عن أصعب فترة قبل الامتحانات

وقالت عن أصعب فترة قبل الامتحانات: "أصعب وقت عدى عليا كان الفترة اللي قبل الامتحانات، كنت مضغوطة جدًا بسبب الخمس مواد، وكنت عايزة ألم كل حاجة ومش أسيب أي جزء من غير مراجعة، ورغم إني كنت مذاكرة المنهج كويس، كنت بحب أراجع كل حاجة من البداية عشان أبقى مطمنة إني مقصرتش في أي جزء".

حلم غالية في المستقبل

واختتمت غالية تصريحاتها بالكشف عن طموحها المستقبلي، قائلة: "بتمنى أكون مهندسة بترول، وإن شاء الله أحقق حلمي في المستقبل".

اقرأ أيضًا:

ظهرت الآن.. نتيجة الشهادة الإعدادية 2026 في القاهرة والجيزة برابط مباشر

حالة غضب بين أولياء أمور الشهادة الإعدادية 2026 بالقاهرة.. اعرف السبب

اعتماد نتيجة الشهادة الإعدادية 2026 في الجيزة.. اعرف نتيجتك

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل: سعر الدولار، سعر الذهب، أخبار مصر، سعر اليورو، سعر العملات ، جميع الدوريات.