ريهام سعيد لـ أحمد العوضي: عيب تطلع تكيد في واحده ست

الإثنين، 29 ديسمبر 2025 11:20 ص

قامت الإعلامية ريهام سعيد بهجوم جديد على الفنان أحمد العوضي من خلال مقطع لايف عبر حسابها الشخصي على موقع الفيس بوك، وقالت :" قلت إنك بتقول مش زعلان من مفيدة ورضوى ست بركة وأنا فيما معناه إني بعمل برنامج حقير وحلقات دون المستوى وإعلامية مش مهمة، وأنا هرد عليك علشان أنت عاوز السوشيال ميديا تتكلم عليك 24 ساعة بالسلب أو الإيجاب".

وأضافت : “لما تقول حاجة توقع أن الإعلام والميديا وزملائك هيرودو عليك لأن تصريحك غير موفق وحسيت من كلامك أن فيه كيد وغيظ، وطلعت قلت أنا هتجوز وهخلف، وعندنا فنانين كتير مش متجوزين زي أحمد عز ما بيطلعش في لايف يقول أنا هتجوز.. أنت قلت هتجوز من السنة اللي فاتت، علشان الناس تقول مين دي علشان الاسم يذكر طول الوفت مش مهم مين وستات بيتجاب سيرتها ممكن منهم اللي هيرتبط أو يتجوز الناس العادية مش هتفهم ده، لأن دي شغلانتى، ولو رضوى زعلت إنك قلت عليها بركة وكبيرة أنا بركة وكبيرة أوي هي عندها 44 أنا عندي 50”.

وأكملت ريهام سعيد: "لما كنت قاعدة على الكرسي مذيعة وعندي برنامج مكسر الدينا ومن الإعلاميات القلائل على الساحة كنت أنت لسه في المدرسة".

أحمد العوضي: أنا الأعلى أجراً والأكثر مبيعاً في مصر

وفي ذات السياق، تحدث الفنان أحمد العوضي خلال بث مباشر في وقت سابق عبر صفحته الشخصية على موقع التواصل الاجتماعي الفيسبوك عن كونه الأعلى أجراً في مصر، ونجاح أعماله الأخيرة وخاصة مسلسل فهد البطل، وقال:" زي ما كان فهد البطل رقم ١ في مصر وعلى مستوى العالم العربي، وكل اللي أنا فيه بفضل ربنا وبفضلكم، وأنا دلوقتي النجم الأعلى أجرا في مصر، والأعلى مشاهدة والأعلى مبيعا"

وأضاف: "أقل حاجة أعملهالكم إني أعمل مسابقة وتكسبوا فيها، والمليان بيودي للفاضي، إن شاء الله السنة دي نبقى الأعلى مشاهدة ومبيعا، ويبقى الفرق بينا وبين رقم ٢ و ٣ زي من هنا لمطروح كده".

أقرأ أيضًا