تفاصيل جديدة بشأن اتهام ملاكم بالتعدي على أسرة في بيفرلي هيلز
تقدم دفاع الملاكم المتهم بالتعدي على أسرة كاملة داخل كمبوند بيفرلي هيلز في الشيخ زايد ، باستئناف على حكم حبس موكله 3 سنوات و 6 أشهر بتهمة التعدي والإهمال.
وفي وقت سابق ،حكمت محكمة جنح الشيخ زايد اليوم السبت ، بحبس الملاكم المتهم بالتعدي علي أسرة داخل كمباوند بيفرلي هيلز في الشيخ زايد 3 سنوات ، في واقعة التعدي و 6 أشهر بتهمة الإهمال.
كما جاءت أقوال الملاكم المتهم امام جهات التحقيق على النحو التالي:
س: ما اسمك:
ج: اسمي “محمد.م.ع”
س: ما ظروف ضبطك وإحضارك وعرضك علينا تحديدًا؟
ج: اللي حصل إن إخواتي عصام وعلي زمايل المجني عليه حازم في مدرسة “نيو فيشن” بالشيخ زايد، وهما يوم الواقعة (15 أكتوبر 2025) اتخانقوا بعد المدرسة بس خناقة أطفال يعني، وبعدين زمايلهم تدخلوا وبعدين كل واحد فيهم روّح بيته وبالليل في اليوم دل كان إخواتي علي وعصام بيلفوا بعربية "الجولف كار" وكانوا قريبين من بيت حازم وهما بيلفوا لقوا حازم وقريبة “سعيد” بينادوا عليهم.
وبعدين إخواتي راحوا لهم و"سعيد" فضل يتكلم مع إخواتي ويقول لهم اللي إنتوا بتعملوه مع حازم دا ماينفعش وإخواتي قالوا له إحنا ماعملناش أي حاجة، وفضل “سعيد” يهددهم علشان هو أكبر منهم ويقول لهم لو حاجة ثانية حصلت لحازم أنا هزعلكم، وبعدين إخواتي قالوا لهم إحنا لازم نمشي دلوقت علشان المفروض كانوا هيروحوا يجيبوا أخويا الثالث “محمود” من عند “بيفرلي هيلز”، وسعيد وحازم قالوا لهم تمام ماشي روحوا هاتوا أخوكم وإحنا هنجي لكم هناك عند نادي “بيفرلي هيلز” وهنكمل كلامنا، وفعلًا علي وعصام إخواتي كلموني على التليفون وحكوا لي كل اللي حصل.
وأضاف: قالوا لي إن سعيد وحازم عاوزين يقابلوهم عند نادي “بيفرلي هيلز”، وبعدين أنا قلت لعلي وعصام إخواتي روحوا بيتنا إنتوا وإنا هروح النادي علشان أتكلم معاهم، وفعلًا سعيد وحازم جم عند النادي، وأنا اتقابلت معاهم أمام بوابة النادي، وفضلت أتكلم مع سعيد وأقول له ماينفعش وإنت كبير كدا إنك تتخانق وتهدد إخواتي وهما صغيرين وسعيد قال لي وهما ماينفعش اللي هما بيعملوه مع قريبي حازم دا واشتد الكلام بينا وبعدين سعيد زقني في صدري وأنا زقيته برضو وبعدين أنا وسعيد مسكنا في تي شيرتات بعض ومجتش ناحية حازم خالص لحد ما حازم قعد يزعق ونادى على والده “أحمد محمد عبدالخالق” ولقيته جه عندي وأنا لقتهم ثلاثة وجریت ومعرفش إيه اللي حصل بعد كدا خالص، وعرفت بعد كدا إن أخويا مصطفى خبط فيهم بالعربية، وبعدين عرفت إن الشرطة بتدور عليّ علشان الضبط والإحضار الصادر ضدي من النيابة العامة، وأنا روحت سلمت نفسي في القسم وهو دا كل اللي حصل.
تابع موقع الأيام المصرية عبر قناة (يوتيوب) اضغط هــــــــــــنا
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات، جميع الدوريات.
