عندها عربية بمليون جنيه، هبة التركي ترد على كل الاتهامات حول وفاة إبراهيم شيكا (فيديو)

خلال استضافتها في برنامج "الشفرة" الذي تقدمه الإعلامية علا شوشة على قناة الشمس، أدلت هبة التركي، زوجة الراحل إبراهيم شيكا، بعدة تصريحات مثيرة للجدل حول حياتها مع زوجها ومعركته مع المرض، وردت على اتهامات عديدة وجهت إليها.

أبرز تصريحات هبة التركي:

علاقتها بإبراهيم شيكا: نفت هبة التركي الاتهامات الموجهة إليها بأنها كانت سببًا في تدهور حالة زوجها الصحية، وأكدت أنها كانت تقف بجانبه وتلازمه في أصعب الأوقات، حتى بعد انفصالهما. وذكرت أنها كانت معه أثناء إجراء منظار طبي، وهو ما يدل على استمرار اهتمامها به.

ردها على اتهامات أخوات شيكا: كشفت عن اتهامات من قبل أخوات إبراهيم شيكا، اللاتي اتهمنها بأنها كانت سببًا في انفصاله عنه "لأنها كانت تفعل أشياء غير لائقة".

الفيديو المثير للجدل: ردت على الانتقادات التي طالتها بسبب مقطع فيديو يظهرها وهي تضحك بينما كان شيكا يعاني من آلام. أوضحت أن الفيديو تم تصويره في وقت كان إبراهيم شيكا قد خضع فيه لعملية منظار طبي، وكانت حالته أفضل.

الساعة الهدية من تامر حسني: دافعت عن نفسها ضد الاتهامات التي وجهت إليها بأنها لم تكن بحاجة إلى المال لعلاج زوجها، وأوضحت أن الساعة التي أهداها تامر حسني لشيكا كانت هدية منه وليست ثمنًا لعلاجه، وأنها اضطرت لبيعها لأن "العلاج كان أغلى من طاقتها".

مرضه: كشفت أن شيكا كان يعاني من "تضخم في الأمعاء"، وأن جرحه لم يلتئم بسرعة بسبب العلاج الكيماوي الذي كان يتلقاه.

هذه التصريحات أثارت جدلاً واسعًا على منصات التواصل الاجتماعي، حيث انقسم الجمهور بين من يصدق روايتها ومن يرى أنها تحاول تبرئة نفسها من الاتهامات.

جانب من الحوار:

- العربية اللي جيتي بيها القناة دي بتاعتك؟
= هما دلوقتي بيقولوا اني معايا شقتين وعربية، أول حاجة إبراهيم لحد ما اتوفى وهو مشطب شقته وجايب تكييفات، انا معنديش غير شقة واحدة في شارع العشرين في عين شمس.
- بتاعتك؟ 
= لا مش بتاعتي طبعًا دي حقها ملموم من أستاذة وفاء عامر وكانت هتتكتب باسمي، بس إبراهيم قال وتتكتب باسم هبة ليه هو انا هموت!
- طيب وهي تكتبها باسمك ليه؟
= علشان هي قالت ولاد إبراهيم أولى من أي حد
- طيب هي جمعت فلوس الشقة دي منين؟
= من أصدقاء أستاذة وفاء عامر، واحدة حطت خاتمها وواحدة حطت فلوس وواحدة اتبرعت هنا، واتكتبت باسم إبراهيم
- تمام يعني اتكتبت باسم إبراهيم يعني والدته المفروض يكون ليها حق فيها؟
= ايوا ليها السدس ودي مشكلة الورث أصلًا
- طيب والعربية اللي انتي جاية بيها دي منين؟
= دي بتوكيل من حد ليها علشان أمشي بيها
- يعني بتوكيل من حد ليكي؟
= يعني فيه واحدة العربية دي بتاعتها وبتديهالي أتحركي بيها وأروح بيها مشاوير
- هي صاحبتك يعني؟
= لا هي زي أمي وأعتقد أنهم سألوا وخدوا رقم العربية وسألوا وعرفوا انها مش بتاعتي وكلموا الست نفسها
- ايوا لأنها غالية وفوق المليون جنيه! هو فيه حد بيدي عربيته لحد ويقوله امشي بيها؟
= هي عربيتها ورخصتها وهي بتديهالي وإبراهيم لما تعب في آخر أيامه هي ادتهالي أروح بيها واجي بيها 
- منا مش قادرك افهم يعني ايه واحدة تديكي توكيل بعربيتها هو فيه حد بيعمل كدة يا هبة دي معدية المليون جنيه؟
= هي ادتني التوكيل قبل ما إبراهيم يتوفى وعلى فكرة الشخصية دي حضرت عزا إبراهيم 
- هي مين الشخصية دي؟
= أنا سألتها قبل ما أطلع معاكي ومش حابة إني أذكر اسمها
- انتي عارفة الناس ممكن تقول ان العربية بتاعتك وكاتباها باسم حد تاني؟
= ما هي لو بتاعتي هخاف من ايه!
- علشان محدش يقولك من أين لكِ هذا
= منا كنت شغالة موديل وبايعة دهبي وبايعة حاجات
- ايوا بس مش لدرجة عربية معدية المليون جنيه، وبعدين دهبك انتي قولتي انك بعتيه قبل تعب ابراهيم علشان تعالجيه

اقرأ أيضًا: