جهزولنا المقابر، المستأجرين يرفضون قانون الإيجار القديم: "إحنا جيل أول ومش هنخرج من بيوتنا"
انتشرت حالة من الجدل خلال الساعات الماضية بعد موافقة مجلس النواب على قانون الإيجار القديم، إذ رفض المستأجرين هذا القانون معتبرين أنه ظالم لهم ولأسرهم، وقاموا بالرفض القاطع للمادة التي تنص على إخلاء الوحدات السكنية قسرًا بعد مرور 7 سنوات.
المستأجرين: محتاجين نقعد في البيت إللي أبونا دفع خلو فيه
وتساءل عدد من المستأجرين حول ما إذا مرت الفترة المنصوص عليها في القانون ولم توفر الحكومة سكن بديل للمستأجرين، ما هو التصرف حينها، وجاء هذا التساؤل على الجروب الخاص برافضي تعديل قانون الإيجار القديم وتشريد المستأجرين.
وجاء رد المستأجرين الرافضين لقانون الإيجار القديم، إذ قال أحدهم: "مفيش الكلام ده، الحكومة مبتديش حاجة لحد ببلاش غير لما تكون مستفسدة 100%"، وقال أخر: "أنا جيل أول مش عاوز سكن، معظمنا جيل أول عاوزين نقعد في البيت إللي أبونا دفع فيه خلو، ودخلنا المرافق بفلوسنا وشطبناها، وعددات الكهرباء والغاز بفلوسنا، محدش ضرب المالك على إيده عشان يأخر، فيه ملاك كانوا بيأخدوا الخلو يعملوا بيه الشقة".
المستأجر بيقبض معاش 2000 جنيه هيدفع الإيجار إزاي؟
ورفض بعض المستأجرين المادة التي تنص على زيادة الإيجار، وقال أحدهم: "فيه جيل أصلي مهدد إما دفع الأجره بالقانون الجديد أو الطرد، دول بقى يجيبوا منين، يا ترى من المعاش إللي هو 2000 جنيه، مش كفاية عليهم الكهرباء إللي بقت أضعاف ولا الغاز ولا المايه ولا ولا، حتى الترب مبقاش لينا مكان فيها بعد كده، إللي يموت نولع فيه لأن مفيش كمان مقابر، رحمنا الله إن شاء الله".
وقال أخر: "مش خارجين من بيوتنا ولو على موتنا، يجهزوا السجون والمستشفيات والمقابر"، وقال أخر: "القانون باطل ومش هنطلع دي محلاتنا إللي دفعنا فيها دم قلبنا ولعله خير فعلًا، عشان الأوضاع تتصحح وأحنا إللي نأخد حقوقنا قال عايشين سحت، مين إللي عايش سحت يا شوية حرامية ياللي بتغيروا قوانين على مزاجكوا، والحق معانا بإذن الله هننتصر، إللي معاه ربنا يمشي على البحر".
أقرأ أيضًا:
هل قانون الإيجار القديم تم تطبيقه 2025؟، اعرف هتطلع امتى من شقتك
خبير قانوني: قانون الإيجار القديم قد يعود لنقطة الصفر من جديد (خاص)
الملاك يطمئنون المستأجرين: التجارة مع الله لا خسارة فيها
وفي ظل الجدل المثار حول قانون الإيجار القديم والمخاوف التي يعيشها كثير من المستأجرين، خاصة كبار السن، ظهرت على منصات التواصل الاجتماعي بعض الرسائل الإنسانية المؤثرة، كتبها عدد من ملاك العقارات، عبروا فيها عن رفضهم استغلال القانون لطرد المستأجرين، مؤكدين أن الإنسانية فوق القوانين وأن الرحمة أولى من المكسب المادي.
وانتشرت خلال الأيام الماضية منشورات من بعض الملاك، تقدم نموذجًا راقيًا في التعامل الإنساني، ومن أبرز هذه الرسائل، ما كتبه أحد ورثة الحاج أحمد العطار: "الناس اللي ساكنة إيجار قديم في بيوت الحاج أحمد العطار الله يرحمه، مش عايز حد منكم يخاف، الأرض أرض الله، وما مكننا الله فيه خير لكم، التجارة مع الله ربحانة فكن إنسانًا".
وفي رسالة أخرى مماثلة كتب أحد أفراد عائلة زيدان: "الناس اللي مأجرين من أهالينا رحمة الله عليهم إيجار قديم في بيت عائلة زيدان، المال مال الله والأرض أرض الله، زي ما أنتم، ولا كأننا سمعنا حاجة، بيتكم وبيت ولادكم لآخر العمر".
وحصلت هذه المبادرات الإنسانية على تفاعلًا واسعًا على مواقع التواصل، إذ أعرب كثير من المستخدمين عن تقديرهم لتلك المواقف التي تعيد التوازن للمشهد وتذكر الجميع بأن العلاقات الإنسانية ليست دائمًا صراعًا قانونيًا، بل يمكن أن تكون مبنية على الرحمة والتقدير المتبادل.
