شيماء سعيد تستغيث من زوجها إسماعيل الليثي: "ضربني وخد بناتي ودهبي وفلوسي"

تصدرت البلوجر وخبيرة التجميل شيماء سعيد محركات البحث ومواقع التواصل الاجتماعي خلال الساعات الماضية، بعد ظهورها في مقطع فيديو صادم عبر تيك توك، توجه فيه استغاثة للرأي العام، وتتهم فيه زوجها، مطرب المهرجانات  إسماعيل الليثي، بالاعتداء الجسدي عليها، وسرقة أموالها ومصوغاتها الذهبية، وخطف بناتها.

الفيديو، الذي انتشر على مختلف المنصات بشكل سريع، و أثار جدلًا واسعًا بين المتابعين، ودفع الفنان إسماعيل الليثي للخروج والرد على ما تم تداوله.

شيماء سعيد: "ضربني ووشي اتبهدل وخد دهبي وبناتي"

في الفيديو، ظهرت شيماء سعيد وهي منهارة وتبكي بحرقة، وقالت:"إسماعيل ضربني، خد فلوسي، وبوظلي وشي، جسمي كله متقطع... صحيت من النوم ملقتش بناتي، خدهم وخد دهبي ومفتاح عربيتي... تعبت من كتر ما عرفت إنه يعرف بنات تانية وبسكت... أنا مش قادرة أعيش كده تاني".

كما أضافت:"وقفت مع الكل، وعايزة الناس تقف جنبي، جسمي بايظ ونفسيتي مدمرة، وأنا ساكتة بقالى سنين، بس خلاص تعبت".

مطرب المهرجانات إسماعيل الليثي يرد:"مفيش ضرب ولا سرقة.. ودي خناقة زي أي زوجين"

من جانبه، رد إسماعيل الليثي في تصريحات صحفية قائلاً:"لسه على ذمتي ومش طليقتي... اللي حصل بينا خناقة عادية بتحصل بين أي اتنين متجوزين... أنا سبت البيت ونزلت، مفيش لا ضرب ولا سرقة ولا دهب".

وأضاف:"مش هعيب فيها، دي أم ابني رضا، وكل حاجتها معاها، ولو كنت خدت منها حاجة أتحاسب، لكن هي اتكلمت وهي منفعلة... أنا معروف إني شبعان والحمد لله، ومش ناقص حاجة من حد".

وأنهى تصريحه برسالة للناس:"يا ريت الناس تسيبنا في حالنا، وربنا يهدي النفوس".