حسام حبيب يفتتح ألبومه الجديد بـ"سيبتك" |فيديو

أطلق الفنان حسام حبيب، أولى أغاني ألبومه المنتظر، والتي حملت عنوان "سيبتك"، وهي من كلمات أدهم معتز، وألحان تامر علي، وتوزيع أحمد وجيه، الأغنية شكلت عودة قوية لحسام حبيب بعد غياب طويل عن الساحة الفنية، لتعلن بداية فصل جديد في مسيرته الموسيقية.

احتفال استثنائي بعيد ميلاد حسام حبيب وسط موجة من الدعم

تزامن إصدار الأغنية مع احتفال حسام حبيب بعيد ميلاده، حيث تلقى سيلًا من التهاني من معجبيه من مختلف الدول العربية، وقد أشاد المتابعون بعودته الفنية التي جاءت بعد فترة من الابتعاد، مبدين إعجابهم بصوته وأدائه الإحساسي المعروف.

ومن جانبه شارك حسام حبيب رسالة مليئة بالامتنان لمتابعيه قال فيها:"أنتم سبب رجوعي.. دعمكم هو اللي رجعني على رجلي تاني، علشان أرجع أغني وأسعدكم، محبتكم كانت دافع كبير ليا، ويا رب أكون دايمًا عند حسن ظنكم، سواء في الغنا أو الموسيقى.. بحبكم جدًا".

كلمات أغنية حسام حبيب سيبتك

سيبتك تقول عليا حاجات ماكنتش فيا 
سيبتك تجيب اللوم عليا
وفضلت برضة شاريك
ضيعت فيا روحي معاك ليه زادت جروحي
ده انا كنت ليك انا كان طموحي
ازاي في يوم ارضيك

من حبي فيك اذتني وجعتني بيك
لقيتني عايش حكاية غيرتني
والفضل يرجع ليك
بعد السنين ما عدوا عايزني ده كله اهدى
بعدك ما اظنش هبقي قده
لوحتي فاتوا سنين

مبسوط كده انت يعني بتمشي خلاص بايعيني
وارتحت لما بقيت واجعني
معقولة هنت عليك
فين اللي كان في حضني بيحلف لي وواعدني
يفضل لحد ما اموت ساندني
طب ليه بموت بأيديه

معقول خلاص نهاتها مشاعري معاك نسيتها
طب احلامي اللي بنتها
تتعاش لمين بعديه
بعد السنين ما عدوا عايزني ده كله اهدى
بعدك ما اظنش هبقي قده
ولا هقدر ابقي ناسيه