محمود حمدان: أحمد آدم كان مغرور بس أنا مسامحة وبدعيله ربنا يفك كربه
محمود حمدان، أثارت تصريحات الفنان أحمد آدم الأخيرة حول عدم حصوله على فرص شغل مؤخرًا مواقع التواصل الاجتماعي، إذ صرح آدم قائلًا: "أنا بعيش أسوء أيام حياتي، مفيش حد بيسأل عني، ومفيش حد بيشغلني، عمري ما اتظلمت كده في حياتي".
محمود حمدان: أحمد آدم كان مغرور ومتعالي
نشر الفنان الشاب محمود حمدان، تصريحات الفنان أحمد آدم، ذاكرًا موقف جمعه معه في بداية مشواره الفني وقتها وجد معاملة قاسية وأسلوب متعالي من آدم، إذ قال نصًا: "سنة ٢٠٠٧ اخدنا الدكتور جلال الشرقاوي علشان نمثل في مسرحية لـ أحمد آدم ، كنا مجموعة من شباب أكاديمية الفنون ولسه في بداية طريقنا، أحمد آدم كان مغرور ومتعالي بشكل غريب".
وتابع قائلًا: "كنا قبل العرض بيوم وبنعمل بروفة جنرال، دخلت أعمل دوري ومن حظي السئ إن اللي كانوا قاعدين في الصالة ضحكوا، أحمد آدم وقف البروفة وقدام كل الناس سمعني أسوأ كلام يقوله فنان محترف لشاب لسه بيشق طريقه".
أحمد آدم: أنت مش هتأخد فرصتك معايا خدها مع حد تاني
وأضاف حمدان أن آدم رفض أن يستكمل دوره مشيرًا إلى أنه لن يأخذ فرصته معه بل مع أحد الفنانين الأخرين، قائلًا: "أنت هتاخد فرصتك بس مش معايا مع حد تاني، تقف مكانك متتكلمش، ولم يكتفي بذلك، قالي مش هتشتغل يلا أمشي، خرجت من المسرح والدموع مكتومه جوايا".
محمود حمدان: صليت ودعيت على أحمد آدم وأنا منهار
واردف قائلًا: "وأصحابي بيحاولوا يواسوني مصطفي ابو سريع وحسني شتا وابراهيم السمان ومحمد العمروسي، روحت صليت ودعيت علي أحمد آدم وأنا منهار من البكاء".
وتابع حمدان أنه رفض بعد ذلك كتابة مشروع فني لآدم حتى ولو المقابل 100 مليون جنيه، وقال نصًا: "ومن ٥ سنين كلمني منتج صديقي علشان اكتب فيلم لآدم وقولتله لو هتديني ١٠٠ مليون مش هكتبله".
واختتم منشوره بأنه تذكر الموقف بعد رؤية الخبر الذي يستغيث فيه أحمد آدم من قلة الشغل وقال: "أنا لما قريت الخبر ده افتكرت اللي عمله معايا سبحانك يارب، الأن بدعيله ربنا يفك كربه ويسامحه ويكرمه، وأنا مسامح".
