تامر حسني لـ جمهوره: سيبوا الموبايلات وبصوا لفوق وفضفضوا مع ربنا (فيديو)
دأب الفنان تامر حسني على توجيه عدد من النصائح لجمهوره عبر منصات مواقع التواصل الإجتماعي عن تأثير السوشيال ميديا وانخضاع الجميع للأراء الموجودة عليها رغم أنها قوة وهميةغير موجودة في الحقيقة.
تامر حسني: مبقاش عندنا وقت نبص فوق لربنا
وعلق على الفيديو قائلًا: "معلش كلمتين في قلبي مهمين هما إللي خلوني أتكلم كده في الڤيديو ده الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما أشبه ومبقاش في وقت إننا نبص فوق لربنا ونقوي روحنا بالفضفضة معاه لا الفضفضة بقت وأنت باصص تحت في التليفون والآي باد واللاب توب والكمبيوتر شوف شغلك عادي وهزر والعب بس متنساش".
وأضاف تامر حسني: "الأهم إنك مخلوق من طين وروح، وزي ما الجسم غذاؤه الميه والأكل، روحك غذاؤها اللجوء لربنا والنظر له والكلام معاه في صلاتك أو في ذكرك ودعائك".
تامر حسني: لازم نعيد التفكير في علاقتنا بالإنترنت
وتابع قائلًا: "وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم، بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلًا وقفة مع النفس وإعادة تفكير من جديد في علاقتنا بالإنترنت".
تامر حسني يحتفل بنجاح العرض الخاص لفيلم ريستارت
ومن جهته أعرب الفنان تامر حسني عن سعادته الكبيرة بردود فعل الجمهور عقب العرض الخاص لفيلمه الجديد ريستارت، بإحدى سينمات مدينة 6 أكتوبر، وشهد العرض حضورًا واسعًا لنجوم ونجمات الوسط الفني، سواء من المشاركين في العمل أو من الداعمين لصناعه.
وحرص الفنان تامر حسني على مشاركة جمهوره ومتابعيه عبر حسابه الرسمي على موقع تبادل الصور إنستجرام، بمجموعة صور من كواليس وفعاليات العرض الخاص للفيلم، وعلق تامر على الصور قائلًا: "الحمدلله مبسوط أوي بردود أفعال الناس في افتتاح ريستارت في مصر بمسرح مدينة الإنتاج الإعلامي".
خلال اللقاءات الصحفية في العرض الخاص لفيلم ريستارت، حول تأثير السوشيال ميديا على حياة البشر، وأثارها السلبية التي اكسبتها نوع من القوة والسيطرة علينا، وفي المقابل اكسبت البشر نوع من السلبية والانخضاع لتأثيراتها على حياتهم.
وأعلن عن موعد العرض الخاص للفيلم في المملكة العربية السعودية، والذي من المقرر أن يقام اليوم 27 مايو 2025، ويقام العرض في سينما ڤوكس روشان الرياض في تمام الساعة 7 مساءً، بحضور نجوم وصناع العمل، قائلًا: "وإن شاء الله يوم 27 افتتاح فيلم ريستارت في المملكة العربية السعودية بحضور أسرة الفيلم في سينما ڤوكس روشان الرياض الساعة 7 مساءً".
وأعلن تامر حسني أن الفيلم سيتم طرحه رسميًا بجميع دور العرض السينمائي يوم 29 مايو 2025، وكتب: "إن شاء الله موعد إصدار الفيلم هيبقى يوم 29 القادم، يارب الفيلم يعجبكم".
