مساجدنا مدارسنا.. الرئيس السيسي: "علموا أولادكم في الجوامع"

تحدث الرئيس عبد الفتاح السيسي، عن الإيمان بالله، قائلًا: "يفوتك الكتير أوى، لو فاتك ومرضيش عنك، ولو متشرفتش بالإيمان به وذكره"، مضيفًا: "حاولنا نعمل حاجة وقمنا بالدور ده، وفى دور يستكمل بيكم أنتم وبتمنى لكم كل التوفيق، وأتمنى لكل الناس في مصر أن نبقى على قلب رجل واحد فى بناء الإنسان كل الإنسان، مش بس على المستوى الديني".

كلمة الرئيس السيسي في الأكاديمية العسكرية

وأضاف السيسي خلال حفل تخرج الدورة التدريبية الثانية لوزارة الأوقاف بالأكاديمية العسكرية، قائلًا: “ احنا عندنا مساجد كتيرة جدًا وعندنا في نفس الوقت حجم قليل من المدارس، وكانت المساجد أيام النبي صلى الله عليه وسلم، تستخدم في كل شؤون الدنيا، ليه النهاردة ما بنستفدش من المساجد الموجودة، بتشتغل بالكتير في كل صلاة 10 دقائق عشان نخلى فيها بشكل أو أخر نعلم فيها ولادنا، يقولك نعمل مدرسة ونعمل جامع، ممكن أعمل الجامع ويبقى جواه المدرسة”.

كما أوضح الرئيس السيسى، أنه " كل يوم صفحة التاريخ بتتغير وبيبقى فى تطور، محدش قال لى اتكلم فى إن الثوابت ممكن حد يمسها، لأن دى عقيدتنا، وأكيد التطور اللى بيحصل دا، أنت هتجد مثلًا على مواقع التواصل لغة جديدة، غير اللغة اللى احنا متعودين عليها، لغة تانية هتعمل إيه، هتتهم أصحابها إنهم كده، ولا تفكر فى حل".

واختتم السيسى، قائلًا: "كل سنة وانتم طيبين وربنا يوفقكم جميعا ويبارك في جهودكم جميعا وفي جهودنا ويجعلنا دائما يا رب في خدمة الحق والخير والإنسانية، مش هنسى إن أنا أقدم التعازي في وفاة بابا الفاتيكان شخصية عظيمة وشخصية كان لها إسهام رائع في الإنسانية، كل التعازي في وفاة بابا الفاتيكان.