الكاتب محمد عبدالقوي: كل مصرى يرفع راسه وبلاش ندور على شماعات

الأربعاء، 08 يوليو 2026 03:11 م

حرص الكاتب محمد جلال عبدالقوي على تقديم رسالة دعم للمنتخب الوطني بعد خروجه المشرف من كاس العالم 2026، وذلك عبر حسابه الشخصي على موقع التواصل الإ جتماعي فيسبوك.

وكتب:" منتخب مصر عمل انجاز يخلي كل مصري يرفع راسه لعبنا قدام بطل العالم ووصلنا اننا نتقدم عليه 2-0 وده في حد ذاته رسالة ان منتخب مصر قادر ينافس اي منتخب في العالم، لكن بلاش ندور على شماعات لا علم فلسطين هو سبب الخسارة ولا الحكم ولا الفيفا صحيح ان مصلحة الفيفا التسويقية ان ميسي يكمل عشان المشاهدات وحقوق البث والاعلانات والحكم كانت ليه قرارات ساعدت الارجنتين لكن كل ده ما يمنعش اننا كنا اقرب للفوز.

صدقنا ان المباراة انتهت التركيز قل والمجهود البدني نزل

وأضاف:" سبب الخسارة الحقيقي اننا بعد الهدف التاني صدقنا ان المباراة انتهت التركيز قل والمجهود البدني نزل والاحساس بالخطر اختفى ودي اخطر لحظة في اي مباراة قدام منتخب بحجم الارجنتين بطل العالم ما بيسامحش واول ما حس ان تركيزك راح رجع للمباراة.

ورغم كل حاجة انا فخور بالمنتخب

وتابع:"انا مش مدرب ولا محلل فني عشان اتكلم عن خطة او عدد المدافعين لكن اي حد اتفرج على المباراة شاف ان شكل المنتخب بعد الهدف التاني غير اللي قبله الروح والحدة والتركيز اللي وصلونا للتقدم اختفوا ودي كانت نقطة التحول، ورغم كل حاجة انا فخور بالمنتخب لانك كنت على بعد دقائق من هزيمة بطل العالم وخليت العالم كله يحترم منتخب مصر دي مش نهاية دي بداية.

واختتم :"اعتبروها بروفة لكاس العالم القادم ودرس لازم نتعلم منه المنتخبات الكبيرة بتتبني من المباريات دي مش بتهد بسببها، واتمنى حسام حسن يستمر مع المنتخب لان الاستقرار هو اللي هيصنع منتخب يقدر ينافس على كل بطولة النهارده خسرنا مباراة لكن كسبنا ثقة ان مصر تقدر تقف قدام اي منتخب في العالم من غير خوف".

اقرأ ايضًا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثل سعر الدولار،سعر الذهب،أخبار مصر،سعر اليورو، سعر العملات، جميع الدوريات.