بعد الهجوم عليه.. عمرو يوسف يدعم اللاعب محمد هاني

السبت، 04 يوليو 2026 10:10 ص

قام الفنان عمرو يوسف، بدعم اللاعب محمد هاني لاعب المنتخب الوطني، وذلك بعد تعرضه للسخرية عبر منصات السوشيال ميديا، بسبب هدفه العكسي في مباراة مصر وأستراليا بالأمس ضمن دور الـ 32 من كأس العالم 2026.

عمرو يوسف يدعم محمد هاني

وشارك عمرو يوسف صورة للاعب محمد هاني، علي صفحته الرسمية بموقع “انستجرام”، وعلق عليها قائلًا: "زي ما أنت عارف إننا بنحب الهزار، أنت عارف إنك جامد وجامد أوي كمان، شد حيلك يا بطل، اللي جي عظيم بإذن الله".

نجوم الفن يدعمون محمد هاني

وفي هذا السياق، قد حرص عدد آخر من نجوم الفنانين على مساندة محمد هاني، وهم: الفنان محمد عطية، والذي طالب بدعمه، من خلال حسابه الشخصي على موقع “فيس بوك”، قائلًا: "ادخلوا عند محمد هاني ادعموه، هاني عمل ماتش هايل والهدف العكسي ده بيكون فيه سوء حظ وبيحصل مع أعظم لعيبة العالم".

وتابع محمد عطية : "هاني بيقدم بطولة عظيمة، ادخلوا اكتبوا له كومنت على بروفايله، اعتقد ده الوقت اللي لازم ندعم فيه كلنا المنتخب و اللعيبة، ده أقل تقدير للأداء الرجولي اللي بيعملوه".

كما دعمت الفنانة بسنت شوقي، محمد هاني، مطالبة بالتوقف عن توجيه انتقادات له من خلال حسابها على موقع “فيس بوك”، وكتبت: “ياريت الناس تمسح البوستات بتاعت هاني، علشان الواد عامل بطولة قوية، وإحنا بجد محتاجينه الماتش الجاي”.

وتابعت بسنت: "مش ناقصة الكركرة والهاهاها وإثبات خفة الدم على بوستاتكم، مش طالبة خالص تحطيم فى معنوياته، بس سيبوا بتاعت مرموش عادي، هو ابن حلال و يستاهل”.