بعد واقعة نقل "الإيدز" لزوجة.. نصائح طبية هامة لكل فتاة قبل الزواج

الثلاثاء، 30 يونيو 2026 04:53 م

علقت الإعلامية لما جبريل على تعمد زوج نقل عدوى الإيدز لزوجته، في قصة مرعبة تصدرت السوشيال ميديا خلال اليومين الماضيين، وأثارت غضب المصريين.

وقالت لما جبريل عبر تصريحات تلفزيونية : “جوزك المفروض يكون ضهرك مش يقسم ضهرك ويمرضك بمرض بشع .. قضية مرعبة لست مصرية اكتشفت إصابتها بمرض الإيدز.. ومين ياترى السبب؟ البيه جوزها وأهله.. لأن الباشا كان مصاب بالمرض ده من قبل الجواز نتيجة علاقة غير آمنة.. وبدل ما يتعالج أو يصارحها.. أهله قرروا إنهم لازم يجوزوه عشان يداروا على فضيحته وربنا يهديه والكلام ده كله.. وراحوا دبسوا بنت الناس معاهم”.

تصريحات لما جبريل

وأضافت لما جبريل: “الست بدأت تظهر عليها الأعراض بعد الحمل.. ولما راحت تحلل اكتشفت المصيبة.. أهله بدل ما يوطوا راسهم من الكسوف ويقول ياحيط دارينا.. حاولوا يضغطوا عليها بالفلوس والمساومة عشان تسكت ..لكن الزوجة رفضت تبيع صحتها وحقها.. وطلعت فوراً على النيابة العامة وبلغت.. وأثبتت بالدليل القاطع إنه كان عارف بمرضه ومتعمد ينقله ليها.. والحقيقة النيابة العامة والداخلية المصرية كعادتهم .. قبضوا عليه وأتوجه ليه تهم ممارسة الفجور وأنه تسبب في إصابة مراته بسبب إهماله”.

نصيحة لما جبريل للفتيات

وتابعت لما جبريل: “ونصيحة لكل بنت وأهلها داخلين على جواز.. بلاش طيبة قلب وثقة عميا.. ونعمل الشهادات الطبية المضروبة اللي بتخلص بقرشين من تحت الترابيزة عشان نمشي الورق.. التحاليل الطبية قبل الجواز لازم تتعمل كاملة وبأمانة في جهات رسمية ومعتمدة.. وأديكم شايفين النتيجة .. وربنا يسترها علينا جميعًا”.

اقرأ أيضاً

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.