لأول مرة.. تامر حسني يتحدث عن حقيقة خلافه مع عمرو دياب

الإثنين، 29 يونيو 2026 11:01 ص

رد الفنان تامر حسني، لأول مرة على الجدل الذي أثير خلال الفترة الماضية بينه وبين الهضبة عمرو دياب، حول الأعلى استماعًا في الوطن العربي، بعد طرح آخر ألبومين لهما.

تامر حسني: المنصات بتبقى متقلبة طول الوقت

وقال تامر حسني، في مؤتمر حفله بمهرجان موازين: المنصات بتبقى متقلبة طول الوقت، في مثلًا فنان بينزل بألبوم فبيطلع علشان ده بيتسمع، وفي فنان تاني بينزل بألبوم فبياخد فرصته، الفكرة أن ده كان موقف كنت بشرح فيه أن أنا لما كنت رقم واحد في الفترة دي أنا احتفلت بـ ده، بس طبعًا احترامًا لكل الزملاء محبتش أحط صورهم وأقول أنا رقم واحد وهما تحت لأني بحترم مجهود كل الناس، وعارف أني لما أقول أني في المركز الأول كان في حد قبلي الأول وبعدين أنا هنزل وهيطلع غيري وده طبيعي بس يمكن أنا محبتش أحط صور الفنانين تحت مبحبش أنا الفكرة دي ومش طريقتي.

عمرو دياب فنان كبير إحنا كأجيال اتعلمنا منه

وأضاف تامر حسني: كل فنان حر يحتفل إزاي، وأكيد كل فنان بيتعب وبيغير على شغله، فلما يحس أن حد مدالوش حقه ممكن يزعل ويتسائل ليه بيحصل كده، وفي الآخر إحنا أحباب وعمرو دياب فنان كبير إحنا كأجيال اتعلمنا منه وأنا بحبه على المستوى الشخصي والفني، وأنا بحترم جيلي جدًا كلنا أصحاب وطلعنا مع بعض.

اقرأ أيضاً

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيامTV، حوادث، خدمات مثل: سعر الدولار، سعر الذهب، أخبار مصر، سعر اليورو، سعر العملات ، جميع الدوريات.