فتاة تتعرض للتحرش داخل ميكروباص الزقازيق بنها وتوثق الواقعة بالفيديو

الجمعة، 24 أبريل 2026 06:14 ص

تداول رواد مواقع التواصل الاجتماعي واقعة اعتداء على فتاة داخل ميكروباص بجانب تعرضها للتحرش من قبل أحد الأشخاص أثناء سفرها من مدينة الزقازيق إلى بنها.

ووثقت الفتاة الواقعة بالفيديو، الذي أظهر مشادة كلامية بين الطرفين وسط اتهامات بالتحرش من جانبها والتي أنكرها الشاب.

وقالت الفتاة في مقطع الفيديو: “كداب أنا ماسكة إيدك وهي على ظهري، اقسم بالله ماسكه إيده وهي على ظهري وقفلي عند أمين الشرطة”.

وأظهر الفيديو محاولة الشاب الاعتداء جسديًا على الفتاة ومحاولة منعها من التصوير واسقاط هاتفها، إلا أن محاولة البعض منعه حالت دون ذلك.

وكشفت الفتاة في منشور على صفحتها تفاصيل الواقعة، قائلة: “أنا بكتب الكلام ده وأنا لسه تحت صدمة اللي حصل معايا، كنت راكبة من الزقازيق لبنها، وقاعدة في مكاني اللي دايمًا باختاره علشان أحمي نفسي ومع ذلك اتعرضت لتحرش واضح وصريح من شخص قاعد ورايا”.

وأضافت: “في الأول كنت بحاول أقنع نفسي إن ده مجرد إحساس غلط لحد ما مدّيت إيدي واكتشفت إن في إيد فعلًا بتتحرك على جسمي”.

وتابعت: “انا كنت لابسه جاكيت جينز خامته تقيله وكنت حاسه ان في حاجه بتتحرك على جنبي من تحت فكرته من الجاكيت لانه شتوي تقيل وبصيت كذا مره وخلاص مفيش حاجه بعدها لقيت بردو نفس للحاجه بتتحرك على جنبي من تحت جهه ضهري”.

وأكملت: "ولقيت الحركه طالعة لفوق بمد إيدي إشوف ايه دا لأنها اتقل من انها تكون جاكيت لقيت ايد الشخص اللي قاعد ورايا جوا هدومي تحت الجاكيت بتاعي مسكت إيده ولفيت له وواجهته سحب ايده من ايدي وشتمني وحاول يمد إيده عليا كمان عمو اللي جنبه حاشه عني بالعافية”.