بعد إعلانها الزواج من الشناوي سرًا، من هي رنا أحمد؟

الخميس، 12 مارس 2026 01:31 ص

أثارت البلوجر رنا أحمد حالة من الجدل عبر مواقع التواصل الاجتماعي وذلك بعد كشفها عن زواجها السري بمحمد الشناوي حارس مرمى النادي الأهلي ومنتخب مصر.

من هي رنا أحمد

. بلوجر ناشطة عبر مواقع التواصل الاجتماعي

. وهي عاشقة ومن أقوى المشجعين للنادي الأهلي

. لديها عدد من المتابعين ما يقرب من 65 الف متابع عبر حسابها الرسمي على موقع التواصل الاجتماعي إنستجرام

. يبدو أنها تعشق التصوير والموضة وصنع الطعام

. سافرت إلى عدة بلدان لأسباب خاصة من بينها تركيا

وبدأت الازمة عندما كشفت رنا أحمد تفاصيل صادمة تتعلق بعلاقتها بحارس مرمى النادي الأهلي ومنتخب مصر، محمد الشناوي، مؤكدة وقوع "زواج سري" بينهما.

وقالت رنا أحمد "أنا سكت فترة طويلة احترامًا لنفسي لكن كفاية لحد كده، مع إني كنت بشوف كومنتات سلبية وناس بتهاجمني، قررت أتكلم وأوضح الحقيقة، اللي حصل بيني وبين محمد الشناوي ماكنش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهد على كل حاجة وشاهد على جوازنا وشاهد على وساخته."

وعود بالإشهار وضغوط للصمت:

وتابعت رنا في منشورها موضحة سبب قبولها بالسرية في البداية:"أنا وافقت على الكلام ده لأني صدقته لما قالي وأكدلي إنه بعد فترة من جوازنا هو هيعلن عني، لكن بعد فترة الأمور اتغيرت وبدأ يحصل ضغط عليّ علشان أفضل ساكتة وما أتكلمش."

اتهامات بالتهديد والمساومة المالي

وتابعت قائلة:"لما قلت إني ممكن أكشف الحقيقة تم تهديدي إنهم هيرفعوا عليّ قضية تشهير، وبعد ما شافوا إني مصممة على قراري، بعت ليا شخص اسمه كريم رزق مدير السوشيال ميديا السابق في النادي الأهلي وصاحبه عمومًا، وعرض عليّ فلوس مقابل إني أسكت وما أتكلمش".

واختتمت رنا منشورها بالتأكيد على لجوئها للقضاء وامتلاكها أدلة قوية:"أنا محتفظة بكل الرسائل والفيديوهات من إنستجرام وواتساب اللي تثبت كلامي ده وهنزلها كلها، أنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي، ولو اضطر الأمر هعرض كل الأدلة بالطريق القانوني علشان حقي يظهر قدام الناس، وأنا كلمت المحامي بتاعي وهرفع قضية والإجراءات بتتم وهاخد كل حقوقي".