اشادت بـ منة شلبي وروجينا ومي عمر وياسمين عبدالعزيز

فريدة سيف النصر تنتقد تكرار ظهور بعض الفنانين

الثلاثاء، 24 فبراير 2026 02:29 م

تحدثت الفنانة فريدة سيف النصر عن الظهور المتكرر لعدد من الفنانيين سواء في الأعمال الدرامية أو البرامج والأعلانات، وذلك عبر حسابها الشخصي على موقع التواصل الإجتماعي الفيسبوك.

وكتبت:" أنا لازم اقول كلمة حق وحقيقي أصحابي من صحفيين لفنانين العاديين بيسألوني عن رأيي، هاقول الأول السيدات أولًا، أنا محتارة بين أربعة مختلفين تمامًا، لكن كل واحده في لونها اللي اختارته أحلي من نفسها العام الماضي، بدون ترتيب منة شلبي، روجينا، طبعا مي عمر، ياسمين عبدالعزيز، مش معني كده الباقي مش تمام لا والله لكن في ناس برضه بدون ذكر اسماء اختاروا أعمال كأنها امتداد لشخصيات العام الماضي ودي وقعة خطيرة الناس عايزه الجديد.

وأضافت: وفي ناس متكررة لدرجة أنك لو قلبت وروحت قناه تانيه مش هاتاخد بالك لأنهم موجودين، ده غلط في حقهم وحق المشاهد، وفي ناس علشان لازم تبقي موجوده في تفكيرهم فأصبحوا بفعل أيديهم غير متابعينهم اصلا ينفع كده، عموما في أعمال كتير برضه ماشوفتهاش بس دوول تابعتهم، عجبوني لحد دلوقتي في اليوم السادس، يارب يفضلوا للاخر بالقوة دي.

فريدة سيف النصر اعتذرت عن عملين

وتابعت:" بالنسبة بقي للي بيقول لي انتي هاتنقدي مش هاتشتغلي، احب اقول عملين كبار اعتذرت علشان ماكررش نفسي، وعمل تاني لنجم زي ما بيقولوا ثبتني معرفش عمل ليه معايا كده، بس كله في وقته نحكي ونقول، المهم أن حقيقي المتحدة عاملة شغل عظمة والإم بي سي عاملة شغل عظمة، والصباح ياجماعه، يحسب لهم كل الأعمال القوية لسه ماتكلمناش عن الرجالة، ولكنهم يحسب لهم العمل المحترم نحييها لنحيا الأعمال الدينية ياجماعة، و شكرا لكل المهتمين بالفن بالذات الهادف، رمضان كريم.

آخر أعمال فريدة سيف النصر

ويذكر أن آخر أعمال فريدة سيف النصر هو مسلسل “العتاولة” الجزء الأول، وشارك في بطولته أحمد السقا، طارق لطفي، باسم سمرة، زينة، نهي عابدين، وغيرهم ومن إخراج أحمد خالد موسي.

اقرأ أيضاً