فريدة سيف النصر تثير الجدل بمنشور غامض

الأربعاء، 24 ديسمبر 2025 04:27 م

اثارت الفنانة فريدة سيف النصر الجدل بمنشور غامض عبر حسابها الشخصي على موقع الفيسبوك وكتبت: "ليه بيتعمل معايا كده، لغز يحير مش فاهماه، لا وأنا باصدق ومستنية علشان نعمل مفاجأة ونكتب وهانقعد سوا وانا هاجي لحد عندك، ماتقوليش لحد، انتي مفاجأة وهانكسر الدنيا، أنتي محبوبة، وفي الآخر حاجات مش مفهومة، وتصرفات اغرب، ايه هو أنا اللي دورت عليك ماانت اللي اتكلمت وحجزت خساره، لا وانا من هبلي لسه بيتهيألي أنه عامليني مفاجأة، وانا نفسي هاتفاجئ، ولو الشغل كمل هايبعته كله اكيد، وليه مصدقاه أو باصدق الناس

وأضافت:" خلاص كل ده مايهمنيش أنا مش خسراانة غير اني اعتذرت كتير، اصلي معرفش اعمل حاجتين طول عمري باركز واديت كلمة، اللي عايزة اعرفه ليه، طيب اديني فرصة نتخانق مثلا نختلف فمزعلش، عيب عيب كل مكالمة أذوق من اللي قبلها وماقطعش أو قال خلاص مثلا لكن مثبتك بأحلي كلام فني طبعا، وانا مكملة هبل ومصدقة، طيب ليه بتنيمني مثلا عشان ماشتغلش ده يرضي ربنا وبردو ليه، لا حول ولا قوة إلا بالله،

وتابعت :"أنا ماعنديش حاجه إلا شغلي، أنا مش زي اي حد، ماعنديش صداقات ولا دعم، انا من البيت للكبارية ومن الكبارية للبيت هههههه، حقيقي مش فاهمة ولازم لازم افهم ليه، ماحدش يكلمني عن الجدعنة خالص ماسمعش صوت، والمرة الجاية هاخد بالي من الكلام الحلو أوي عيب".

وأختتمت" وعلشان أنا اللي جدعة لأني عملت نفسي بشغلي مشواري مش سهل حرب ولا يكونوا بيحاربوا جيوش المغول، يعني مانجحتش بالسهل، وأمي قالت لي خلي بالك اللي يجي سهل يروح اسهل، ووالله ماهاقول لأن أنا الجدعة بس افهم ليه ليه تضيعوا مني شغل، أنا كل مقلب والتاني الله وكيلي، ولقد اعذر من انذر، وعجبي”.

أقرأ أيضًا: