إبراهيم نور الدين : باسم مرسي أكتر لاعب كان بيمثل عليا (فيديو)

السبت، 21 فبراير 2026 10:23 م

كشف إبراهيم نور الدين الحكم الدولى السابق أن باسم مرسي مهاجم الزمالك السابق هو أكثر لاعب قام بخداعه في الملعب.

وقال إبراهيم نور الدين الذى حل ضيفاً على الإعلامى عمر ربيع ياسين في برنامجه «مان تو مان» عبر صفحته الشخصية: «باسم مرسى أكتر لاعب كان بيمثل عليا، كل الماتشات كنت بجري فيها 8 كيلو، بسببه كنت بجري 12 كيلو».

ويضيف إبراهيم نور الدين : «بمجرد مرور هواء المدافع بجوار باسم مرسى يسقط ويصرخ وأفتح اسبرنت عشان اتاكد من صحة القرار وأشوف فيه تلامس، والحمد لله مخدش ولا ركلة جزاء منى غلط بس خد 7 ركلات جزاء صح».

إبراهيم نور الدين يفتح النار على اتحاد الكرة: مفيش حاجة اسمها نوسطن الأمور

وفي شساق أخر أكد إبراهيم نور الدين، أن من يضع نص في اللائحة ولا يستطيع تطبيقه ميحطوش من الأول، اللائحة كانت يجب تطبيقها على أي حد سواء بخصم 6 نقاط أو 3 نقاط.

وقال إبراهيم نور الدين: «لجنة المسابقات ورابطة الأندية هما المكلفان بتطبيق اللائحة، وأنا قلت رسالة الراجل اللي في مكان ومش قادر يطبق لائحة حطها ميحطوش في البداية، بمعنى ان اللائحة بتقول خصم 6 نقاط يتخصم 6 نقاط على أي حد، 3 نقاط يبقى 3 نقاط على أي حد، مفيش حاجة اسمها نختلق ظروف أو إحنا تسببنا في مشكلة فنوسطن الأمور، لأن وسطنة الأمور لا تصح لأن اللي غلط في هذا الأمر يتحاسب».

وأضاف إبراهيم نور الدين: «اتحاد الكرة لو أخطأ في عدم استقدام حكام أجانب طبقا للائحة وجواب النادي الأهلي الشرعي، بسبب العناد يبقى رابطة الأندية المحترفة مكانتش تخصم حاجة خالص لأن الاتحاد مش صاحب قرار في استقدام حكام أجانب من عدمه، النادي طلب ودفع فلوس تجيب له».

وتابع نور الدين: «فكرة مش قادر تجيب دي مشكلة الاتحاد مسئولو التحكيم مش الأندية موضوع يتخصم 3 نقاط مينفعش إما 6 نقاط أو ميتخصمش خالص، لأن الأهلي مش طرف في المشكلة، واللي ظهر هذا هو وصول الحكام بعد موعد المباراة».

اقرأ أيضا