قبول استئناف الراقصة ليندا، وتغريمها 100 الف جنيه

السبت، 27 ديسمبر 2025 07:40 م

أمرت محكمة مستأنف الاقتصادية، بقبول استئناف الراقصة ليندا على الحكم الصادر ضدها بالحبس سنة وتخفيف المدة إلى 6 أشهر، بتهمة بث فيديوهات خادشة للحياء عبر مواقع التواصل الاجتماعي وتأييد تغريمها 100 ألف جنيه.

أقوال الراقصة ليندا أمام جهات التحقيق

وفي وقت سابق ، أدلت الراقصة ليندا مارتينو بأقوالها أمام جهات التحقيق في اتهامها بنشر مقاطع فيديو تحتوي على إيحاءات جنسية وتعدٍ على قيم المجتمع، مؤكدة أنها لم ترتكب أي مخالفة وأن جميع أعمالها قانونية وتحت رقابة الجهات المختصة.

وقالت المتهمة خلال التحقيق:"أنا رقاصة استعراضية بشتغل في أماكن محترمة، ومعايا تراخيص من الإدارة العامة للمصنفات، وكمان عضوة في نقابة المهن التمثيلية، بلبس البدلة اللي القانون محددها، وكل شغلي في أماكن مرخصة، وكل الفيديوهات اللي بنزلها على صفحتي الرسمية رقص عادي ومحترم.

وأضافت:"بشتغل من وأنا عندي 18 سنة، وسبت المدرسة بدري، وسافرت إيطاليا اشتغلت هناك رقاصة ودرست أزياء، وبعد كده اتجوزت وأنا عندي 19 سنة، ورجعت مصر بعد 3 سنين أكمل شغلي، دخلي الأساسي من الرقص، وبكسب في الحفلة 30 ألف جنيه، وفي الأفراح 80 ألف."

وعن واقعة ضبطها، أوضحت ليندا:"كنت في المطار مسافرة دبي علشان شغل، فجالي ضباط آداب وقالولي إن عليّا قضايا آداب بسبب فيديوهات مخلة، بس أنا قلتلهم دي مش حساباتي ومش أنا اللي نشرتها، الفيديوهات المنتشرة اتاخدت من غير علمي واتنشرت بطريقة تسيء ليا."