مش هتنازل، أقوال ضحية التحرش من كويتي أمام النايل سيتي
كشف المتهم الأول بـ واقعة التحرش بفتاة أمام النايل سيتي بمنطقة بولاق أبو العلا بالقاهرة، مفاجآت خلال التحقيقات، مؤكدًا أنه لم يكن على علاقة قوية بالمتهم الثاني.
وقال الشاب الذي يحمل الجنسية الكويتية: “مكنتش سهران معاه ومعرفتنا ببعض سطحية جدًا، وهو مش ظابط ولا حاجة، دا مواطن يحمل جنسية دولة خليجية نازل مصر سياحة، قابلته قصاد الفندق ومشينا”.
وأضاف:"هو كان في حالة سُكر ومش في وعيه، وبدأ يتهجم على البنت وهو بيضحك ويهزر، وخدنا بعضنا ومشينا، ومكنتش أعرف إن الموضوع هيكبر كدا".
كما كشفت الفتاة المعتدى عليها من شاب خليجي وصديقه في محيط منطقة النايل سيتي ببولاق أبو العلا، تفاصيل الواقعة منذ تقديم البلاغ وحتى القبض على المتهمين.
وقالت الفتاة المجني عليها بتصريحات صحفية : مكنتش عمري متخيلة إن كل ده يحصل علشاني، من أول لحظة قدمت فيها البلاغ لحد القبض على المتهمين. شفت قد إيه بلدنا فيها رجال شرطة محترمين بيشتغلوا بضمير وبسهر وتعب حقيقي، واستقبلوني باحترام، وفضلوا سهرانين طول الليل علشان يجيبوا حقي ويطمنوني".
وأضافت: "النهاردة حاسة بالفخر، وبإن مفيش ست في مصر لوحدها، وورانا دولة قوية وشرطة قادرة تحمي بناتها وتجيب حقهم، شكرًا من قلبي لكل ضابط وأمين ومحقق تعب علشاني، وربنا يحميكم دايمًا".
وعلّقت على تصريحات شقيق المتهم الخليجي، الذي برّر الواقعة بأن شقيقه "كان بيشبه عليها" وفكرها حد يعرفه، قائلة: “معنديش أي نية للتنازل ومش هتصالح لأن الاتنين دول دمروا أعصابي وبقالي يومين تعبانة بسببهم غير الخضة اللي عمري ما هقدر أنساها، ولو فعلاً زي ما قال إن أخوه كان فاكرني حد يعرفه، طب لما اتأكد إني مش الشخص ده ليه ما اعتذرش؟ ليه جري هو وصاحبه وسبوني مرعوبة في الشارع؟”
وأكدت تمسكها بحقها القانوني حتى النهاية، وثقتها في إجراءات النيابة والشرطة المصرية.
تابع موقع الأيام المصرية عبر قناة (يوتيوب) اضغطهــــــــــــنا
- تابع موقع الأيام المصرية عبر تطبيق (فيسبوك) اضغطهــــــــــنا
- تابع موقع الأيام المصرية عبر تطبيق (تويتر) اضغطهــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثلسعر الدولار،سعر الذهب،أخبار مصر،سعر اليورو،سعر العملات ،جميع الدوريات.
