بكرة مش مضمون طلعوا الهدوم، هيدي كرم توجه نصيحة للمتابعين (فيديو)

وجهت الفنانة هيدي كرم رسالة مليئة بالطاقة الإيجابية لكل النساء، تدعوهن فيها للاستمتاع بالحياة، وطالبت بأن يلبسن أجمل ما لديهن دون انتظار مناسبة، لأن "المناسبة ممكن متجيش أبدًا"، مؤكدة أن السعادة تبدأ من التفاصيل الصغيرة، ومن حب الذات قبل نظرة الآخرين.

هيدي كرم: "البسوا الحلو النهاردة... بكرة مش مضمون!"

وطلت هيدي كرم على متابعيها، من خلال حسابها الرسمي على موقع التواصل الاجتماعي وتبادل الصور، إنستجرام.

وتحدثت إلى متابعيها، قائلة: “البسي كل حاجة عندك حلوة أنتي شايلاها لمناسبة، ارجوكي طلعيها والبسيها، لأن ببساطة المناسبة ممكن متجيش أبدًا، لأن ببساطة ممكن لما المناسبة تيجي تكون موضة اللي أنتي شايلاه في الدولاب راحت، أو تكون باظت من الركنة، الشنط الجلد ممكن تبوظ من الركنة أو الجزم الجلد".

واستكملت: "طلعي الحاجات اللي شيلاها والبسيها أرجوكي حتى لو نازلة تجيبي حاجة من السوبر ماركت وبعدين تجيبي العيال من المدرسة، وأيه يعني، لما أروح السوبر ماركت وأنا مبسوطة من نفسي ولابسة الحاجة اللي نفسي فيها، ما ألبسها ولما تيجي مناسبة ممكن ألبسها تاني".

وأضافت:" ليه عندنا دايمًا منطق كانت بتقولهولي أمي زمان خسارة ده حلو أوي متلبسيهوش، ليه خسارة، خسارة فيا، ما ألبسه وأنزل وانبسط بيه انهاردة".

واختتمت: "عيشني النهاردة وموتني بكرة، محدش عارف بكرة فيه ايه، كفاية ده يحسنلي مودي ويخليني أحس أن أنا حلوة، ليه أنزل لابسة أعفن حاجة أصل أنا محدش هيشوفني، ما أنا هشوف نفسي، صدقوني دي أحلى حاجة في الدنيا، انبسطوا دلوقتي استمتعوا دلوقتي، متحوشوش حاجة لبكرة لن محدش عارف هو هيجي ول لا، عيشوا انهاردة كأنه أخر يوم في حياتكم في كل حاجة، لأن بكرة مش مضمون”.

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية،أخبار،رياضة،فن،خارجي،اقتصاد،الأيامTV، حوادث، خدمات مثلسعر الدولار،سعر الذهب،أخبار مصر،سعر اليورو،سعر العملات ،جميع الدوريات.