وائل جمعة يوجه رسائل نارية للاعبي الأهلي بعد التعادل مع بتروجيت

وجه وائل جمعة انتقادات لاذعة للاعبي الفريق الأول بالنادي الأهلي، بعد الظهور الباهت في المباريات الأخيرة والتعادل أمام بتروجيت في الجولة الثانية عشر من الدوري العام. 

وكتب وائل جمعه لاعب الأهلي السابق، على صفحته الشخصية بموقع التواصل الاجتماعي فيس بوك قائلًا: "كلمتين للعيبة الأهلي، بقالي فترة متكلمتش على الأهلي بس اللي أنا شايفة دلوقتي لازم من حبنا للأهلي نوصله ليهم لو غايب عنهم وانا هتكلم بلسان المشجع"

وأضاف: “احنا بنحب الأهلي وهنفضل نحب الأهلي بس اوعى تفتكر إن الجمهور هيحبك علي حساب النادي فانت كلعيب رصيدك بتبنيه من تضحيتك ومحافظتك على بيتك اللي هو بيت المشجع ده”.

وواصل جمعة: “المشجع الأهلاوي عايز يشوفك بتحارب علشان بيتك ده وعلى انتصاره وإن اسمه يفضل مرفوع دايمًا، مشيرًا، أتمنى كل واحد منكم يحاسب نفسه علي اللي قدمه الفترة اللي فاتت”.

وتابع: “مدربين كتير جم ومشيوا الفترة اللي فاتت علي غير عادة الأهلي، احنا مرينا بالفترة دي قبل كده ومش معنى إن النادي بيمشي المدرب فانتا كده بعيد لا لابد اننا نبص في المراية بتاعتنا ونحاسب نفسنا،محتاجين نشوف رد فعل مختلف منكم ودايما وراكم طول مانتم بترفعوا وتفرحوا شعب الأهلي”. 

وسقط الأهلي في فخ التعادل الإيجابي أمام بتروجيت بنتيجة 1-1، في المباراة التي أقيمت أمس الأربعاء، في إطار منافسات الدوري العام. 

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات