بكرة مش هتشوفي الشمس، أقوال سما طالبة الإعدادية في قضية التعدي عليها بالطالبية

تطورات جديدة شهدتها قضية حادث اعتداء على الطالبة سما، طالبة بالمرحلة الإعدادية بمدرسة عثمان أحمد عثمان بمنطقة الطالبية بالجيزة.

حصلت “الأيام المصرية” على نص التحقيقات في قضية التعدي على سما طالبة بالمرحلة الإعدادية بمدرسة عثمان أحمد بمنطقة الطالبية بالجيزة ، من قِبل 5 متهمين بواسطة شومة ، والتسبب في إصابات خطيرة للطالبة سما .
واستمع رجال التحقيق إلى أقوال سما ضحية الاعتداء بالطالبية، وجاءت كالآتي:

س: وما سبب ذلك التعدي عليك إذا؟
ج: هو بسبب إن اليوم اللي قبله اللي هو 2025/1/13 أنا كنت ماشية أنا وأربعة أصحابي اللي بنروح مع بعض كل يوم لقيت اللي اسمها نورهان دي ماشية مع واحدة صاحبتها لاقيت صاحبتها مرة واحدة راجعالي وبتقولي على فكرة نورهان بتقول عليكي أنتي عايدة السنة فأنا قولتلها ملكيش دعوة لاقيت نورهان جايالي ويتقولي في إيه قولتلها أنتي بتقولي عليا إني عايدة السنة، قالتلي أيوة أنتي عايدة السنة، فقولتلها ملكيش دعوة.

س: وهل انتهى الحديث عند ذلك الأمر؟
ج: لا
س: وإلى ما انتهى الأمر إذا؟
ج: مسكنا في بعض وشدينا مع بعض واتخانقنا مع بعض.

س: هل ثمة أشخاص آخرين اشتركا معكما؟
ج: أيوة

س: ومن هم إذا تحديدًا؟
ج هما أصحابي وأصحابها.

س: هل ثمة أحد حاول فض ذلك الاشتباك فيما بينكما إذا؟ 
ج: أيوة ومشينا ولاقيت وقتها نورهان دي بتقولي أنتي بكرة مش هتشوفي الشمس.

س: وما قصدها فيما قالتها سالفة الذكر إذا؟
ج: إنها يعني هتتعرضلي.

س: وعن تحقق ذلك بالفعل؟
ج: أيوة اللي هو اليوم اللي أنا اتضربت فيه.
س: ومن تعدى عليك تحديدًا؟
ج: هي طنط مامة نورهان وأختها اللي هي سلمى ونورهان اللي معايا في المدرسة وبنت معاها أنا معرفهاش.

س وكيف تعدوا عليك تحديدًا؟
ج: صاحبة نورهان شكلها كبير بعد ما خرجنا من المدرسة لاقيتها جايالي وبتقولي تعالي عاوزاكي في كلمتين ولاقيتها مرة واحد يتمسك فيا وبتقولي أنتي جيتي على أختي وأنا محدش يبجي عليها قولتلها في إيه مالك بيا، لاقيت مرة واحدة واحدة ست كبير جت عليا وبتزعق فيا قولتلها أنا هكلم ماما هي ترد عليكي، روحت مطلعة التليفون ويكلمها لاقيتها راحت سحبت مني التليفون وبتكلمها وشدوا مع بعض في التليفون ولاقيتها بتقول للبنات دي ست ذوق هي هتيجي تاخد حقنا بكرة، لاقيت البنات وكانوا بيضربوا فيا والتي مسكتني في الأول بتشدني وتنزلني من على الرصيف وبتقولي أنتي تكلميني وأنتي تحت فبحاول أبعد عنها لاقيتها مسكتني من شعري ولاقيت نورهان بتخربشني في وشي وعضتني في إيدي ومامتها كانت عمال تضريب فيا بالعصايا في رجلي لحد ما بدأت أدوخ منهم وأقع على الأرض والظابط جه أخدني ووداني المستشفى.

س: وهل أحد منهم كان محرزًا لثمة أسلحة أو أدوات حال تعديه عليك؟ 
ج: أيوة طنط اللي اسمها فاطمة كانت ماسكة عصاية في إيديها.

س: حددي لنا دور كلًا منهم على حدى؟
ج: هي البنت صاحبة نورهان هي اللي مسكتني وابتدت معايا المشكلة وبعد كدة لاقيت مامة نورهان دخلت وبتشدني من التيشيرت وبعد كدة بنتها سلمى مسكتني برضو ونورهان في الآخر، الأولى مسكتني وقعد تشد فيا وتخبطني على وشي بعد كدة مامتها دخلوا عليا وقعدوا يشدوني وبعد كدة لاقيت نورهان دخلت خربشتني وعضتني ومامتها كانت بتضريني بالعصاية على إيدي.

س: وكم عدد الضربات التي كالوها إليك آنذاك؟ 
ج: ضربوني كثير معرفش قد إيه وسحلوني على الأرض.

س: في أي موضع تحديدًا إذا حدثت إصابتك؟
ج: في وشي وشعري اتقطع وعضوني في إيدي.
س: ألم تستغيثي بثمة أحد آنذاك؟
ج لا أنا بدأت أدوخ وطنط اللي كانت بتضربني بالعصابة كانت عمال تقولهم وشها جاب دم سيبوها.

س: ألم يتدخل أحد لإنقاذك؟
ج كان كل ما حد يقرب البنت اللي أنا معرفهاش تقعد تقول أنا اللي هيقرب مننا هيزعل وطنط كانت بتقول علشان محدش يجي على بنتي ثاني.

س: كيف تم إسعافك إذا؟
ج: الظابط جه أخدني ووداني المستشفى.

س هل شفيت من إصابتك؟
ج: يعني أنا جسمي واجعني لحد دلوقتي.

اقرأ أيضًا: حبس طالب بالثانوي التجاري 4 أيام بتهمة قتل زميله بمفك في شربين

مصرع شخصين وإصابة آخرين في حادث تصادم سيارتين بالشرقية

وحددت المحكمة المختصة، جلسة 27 أكتوبر الحالي، لنظر أولى جلسات محاكمة المتهمين بالتعدي على الطالبة سما، وإصابتها بجروح وخدوش وكدمات بواسطة عصا خشبية، أمام مدرسة عثمان أحمد عثمان بمنطقة الطالبية بالجيزة.

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات