فتاة المترو صاحبة إلقاء مادة عليها من الخلف تخرج عن صمتها وتروي الحقيقة (شاهد)
خرجت الفتاة صاحبة فيديو المترو الشهير، والتي تظهر فيه وأحدهم يرش عليها مادة مجهولة من الخلف، لتوضح حقيقة الأمر.
ومن خلال ابنة عمها، كشفت الفتاة وتدعى مارينا يعقوب عياد، ما حدث بالضبط، مشددة على أنها حولت الأمر للقضاء للحكم فيه.
ووفق ما جاء في شهادة مارينا التي نشرتها ابنة عمها وتدعى نادية ميخائيل، فإن شابا طاردها بمحطة الشهداء وهو من ألقى عليها المادة وغالبا كانت "جيل" ليصور الفيديو ويحصل منه على أعلى مشاهدات.
وكتبت نادية قائلة: "الكلام دا علي لسان "مارينا يعقوب عياد" بنت عمي و حاولوا نوصل الفيديو للنيابة.. (الفيس بوك عندها مش عايز يفتح البوست public لازم البروفايل كله بتفتح و مش هنعمل كدا ) ".
وتروي مارينا القصة قائلة: "يا جماعة عايزة احكي موقف وحش جدا حصل معايا بخصوص فيديو يخصني أنتشر بشكل كبير اوي في يومين وصل لملايين المشاهدات و ناس استغلت الفيديو و أنتشر جامد علي social media لواحد معندوش ولا ضمير و لا أدب و لا تربيه عمل بيه تريند علي حساب شكلي و نفسيتي و كلً حاجه
*أنا هحكي الي حصل معايا بالظبط*
الي حصل كان يوم جمعه في شهر ٨ كنت راجعه من عند خالتو و نزلت محطه الشهداء عشان اركب اتجاه المنيب
كان في ولد ماشي ورايا و أنا كنت قاعده أمد بسرعه عشان كنت حاسه انه مريب لغايه ماوصلت مكان التذاكر و أنا ماشيه لقيت الشخص دا بيقولي في حاجه علي البنطلون من ورا ( طبعا عشان الفيديو يتصور بحرافيه رشها عليا من ورا و أنا محستش ) و بيكمل و بيديني منديل أنا طبعا خفت و اتوترت و شميته لما قابلت بنت صحبتي في المترو و كان ريحته (چيل شعر )فجريت بسرعه بس طلع الحيوان بيصور و أنا مشفتش انه بيصور نهائي ……
و لما روحت حكيت الموقف لبابا و ماما و الموضوع خلص
و بعد شهرين اول امبارح نزل الفيديو و كتب عليه كلام سافل و أتعمد ينشره بعد الحدث بشهرين عشان ميعرفش يتجاب من كاميرات المترو ولقيت الدنيا كلها بعتالي فيديو ليا بالموقف الي حصل و طبعا كل شويه من موقع مختلف …….
طبعا صدمه ليا و مش متوقعه و شررر مش طبيعي و أذي عشان شويه لايكات و مشاهدات
النهارده أنا عملت محضر في مباحث الإنترنت و في شرطه المترو .
(و للعلم بعد المحضر الفيديو اتمسح من الصفحه الي منزلاه و صاحب الصفحه نزل فيديو بمامعناه أنا عارف ان حصل محضر و مش هاممني اي حاجه ولا شرطه و لا محضر)
و اتمني ان الشخص دا يتجاب و المباحث و الشرطه المصريه تقوم بدورها …
اتمني كله يعمل share للبوست و حقي يتجاب …
حقي لازم ييجي و هييجي أنا واثقه
مش عايزيين نقفل الصفحه عشان المباحث تقدر تقوم بدورها
دي الصفحه … و انا شطبت علي الكلام عشان كلام غير لائق
- تابع موقع الأيام المصرية عبر قناة (يوتيوب) اضغط هــــــــــــنا
- تابع موقع الأيام المصرية عبر تطبيق (فيسبوك) اضغط هــــــــــنا
- تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات
