12 يوم من غير طعام، الحزن يسيطر على المخرج محمود يحيي (فيديو)

أعلن المخرج محمود يحيي، أنه مازال مستمر في إضرابه عن الطعام لليوم الـ 12، على التوالي، اعتراضًا على الظلم الذي تعرض له من رفض سينما زاوية لعرض فيلمه “اختيار مريم”، رغم أنه حاصل على تكريمات في مهرجانات عالمية، ضمن مجموعة من أشهر الأفلام منها السيد رامبو.

المخرج محمود يحيي يرد على بيان سينما زاوية

وشارك محمود يحيي متابعيه عبر حسابه الرسمي على موقع التواصل الإجتماعي، فيس بوك، مقطع فيديو، يؤكد من خلاله استمراره في الإضراب عن الطعام، قائلًا: “أنا بعمل الفيديو ده للرد على بيان سينما زاوية على الفيس بوك، أنا معنديش رد، ووعدت نفسي من أول الأزمة إني مش هغلط ومش هتخطى حدود الأدب، و الله من إمبارح مش بقول حاجة غير حسبني الله ونعم الوكيل، أنا مستغرب ليه في ناس مستكترين عليا النجاح بالرغم إنهم هياخدوا 50% وهيكسبوا أكتر مني، أنا والموزع هناخد 50% وهما السينما هياخدوا 50%”.

اقرأ أيضًا

بعد إضراب المخرج عن الطعام، عرض فيلم اختيار مريم في سينما زاوية

العرض الخاص لفيلم فيها إيه يعني، غادة والكدواني يختتمان موسم سينما الصيف

14 مليون ريال، فيلم ماما وبابا يتربع على إيرادات السينمات السعودية

موعد عرض فيلم The Great Flood على منصة "نتفليكس" (فيديو)

وأضاف: "أول ما قرأت بيان سينما الزاوية عرفت إن في حاجة بتتطبخ، وفي حاجة غلط ومتسرعتش بالاحتفال، ومفطرتش الحمد لله ولسه مكمل في صيامي، ومكمل في هدفي وهو عرض عادل لفيلمي، والعرض اللي هم بعتوه غير عادل تمامًا هم قالوا في البيان هنعرض الفيلم عرض واحد مش يوم كامل حتى ده عرض واحد، ومن غير داعي وياخدوا مني 50%، الأوفر الجديد عايزين يعرضوه 3 ليالي، هي دي السينما المستقلة".

المخرج محمود يحيي:فيلمي تفوق على السيد رامبو

واشار المخرج محمود يحيي أن فيلمه اختيار مريم، تفوق على فيلم السيد رامبو، قائلًا: "فيلمي شارك في مهرجان،أيام الفيلم العربي في النرويج، وكان معايا "السيد رامبو"، وتم اختياره كأفضل فيلم باختيار الجمهور، وبالرغم من كده باقي الأفلام اتعرضت 10 أسابيع وفيلمي لأ، هم عايزين يموتوا فيلمي وفيه كمية أكاذيب وادعاءات عن الفيلم مش طبيعية، في حين أن مصر كلها عايزة تشوف الفيلم".

المخرج محمود يحيي:كنت بوفر وبصرف 100 عشان أنتج فيلمي

واستكمل: "هل باقي المنتجين اللي عملوا رامبو وأبو زعبل،  دفعوا فلوس وأنا دفعت بنبوني، أنا كنت بوفر وبصرف 100 جنيه في اليوم، عشان أحوش للفيلم، بدل ما تخدوا الموضوع بالعند معايا، حاولوا تخلوا المعايير أوضح ومترتبه، وأنضف بيتي من الداخل والمعايير اللي تمشي على الناس تمشي عليا".
واختتم حديثه: "إنتوا هتكسبوا أكتر مني حرام عليكم، أنا معملتش فيلمي ببلاش أنا دعمت نفسي بنفسي، ليه مش مباركلي، أعرضوا زي باقي الأفلام، أنا هكمل في اللي أنا فيه وهشوف سواء اللي توكل على الله هيكسب، ولا اللي مقضينها مكر وكيد، بيسلطوا عليا لجان على الفيس بوك عشان يخسروني أنا تعبت وعملت الفيلم في أصعب الظروف، أنا مش هقع ومش هوقف دلوقتي، أنا بخاطب ضميرك يا أخويا، مينفعش تتسلط على منتج مستقل غلبان، ليه تعملوا معايا كده أنا مختصمكم أمام الله".

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.