خناقة بنات إعدادي بالهرم، شدوا مع بعض في المدرسة فاستنوها برا وهشموها (شاهد)

 تعرضت سما طالبة بالمرحلة الإعدادية، لاعتداء عنيف على يد أسرة إحدى زميلاتها ، إثر خلاف بسيط وقع بينهما داخل إحدى المدارس بمنطقة الهرم.
وقالت والدة سما طالبة بالمرحلة الإعدادية : "يوم التلات حصلت مشادة بين بنتي سما وزميلة ليها، البنت وقفت وسط صحابها وقالت على بنتي ساقطة، وهي مش كده أصلًا، وده تسبب في شجار صغير، لكن بنتين من تالتة إعدادي تدخلوا وفضّوا الخناقة، والموضوع خلص وماخدش أي حجم".

وأضافت والدة سما طالبة بالمرحلة الإعدادية في تصريحات صحفية  "يوم الأربع، تاني يوم، رحت أدي لبنتي المفاتيح عشان كانت ناسيها وأنا رايحة شغلي، وهي مدرستها مسائي، الساعة 4 ونص لقيت تليفونها بيرن، أنا متعودة تقولي (أنا مروحة)، لكن المرة دي قالتلي: الحقيني، وبعدها التليفون اتسحب منها، وواحدة ست كلمتني وقالتلي إن بنتي ضربت بناتها الخمسة وليها حق عندي".

وأضافت والدة سما طالبة بالمرحلة الإعدادية: "سمعت صوت بنتي وهي بتصرخ وبتتشتم، وعرفت إنهم مسكوا فيها، لكن ما تخيلتش الموضوع يكبر كده، قولتلها تديها التليفون ونقابل مديرة المدرسة، ولو ليها حق أنا هجيبهولها. لكنها قالت لبناتها سبوها وقفلت السكة، اتحركت من شغلي في حدائق الأهرام، وبعدها صحاب سما كلموني قالولي: الحقي سما سايحة في دمها ومغمى عليها".

وأكدت الأم: "بنتي مالهاش ذنب، إيه اللي عملته عشان يحصل فيها كده؟! دي بلطجة. الخمسة نزلوا عليها من غير رحمة، بنتي من يومها مش بتتكلم ولا بتأكل، وحالتها النفسية منهارة، وبتقول مش هروح المدرسة تاني".
وذكرت "المدرسة رفضت تتعاطف معايا أو تقف معايا، وقالولي: طول ما المشكلة بعيد عن المدرسة ملناش دعوة، في الوقت نفسه، أصحاب سما عملوا جروب على الواتس بعنوان (حق سما لازم يرجع) عشان يقفوا معاها، جسم بنتي كله بقى مزرق، ووشها متورم ومجروح لدرجة إنها مش متحملة ألم تدليك وشها. وواحدة من البنات اللي اعتدوا عليها قالتلها: خسارة فيكي الضوافر اللي اتقلعت من وشك".

اقرأ أيضًا: فيديو وفاة عريس أسوان في حفل زفافه، د جمال شعبان يكشف مفاجأة

وفي نهاية حديثها أوضحت: "المدرسة رفضت تديني أي بيانات عن الأم أو الطالبة، وقالولي: هاتي إذن نيابة. وأنا فعلًا حررت محضر رسمي في قسم الطالبية، وكل اللي بطلبه إن حق بنتي يرجع".

تابع موقع الأيام المصرية عبر قناة (يوتيوب) اضغط هــــــــــــنا

تابع موقع الأيام المصرية عبر تطبيق (فيسبوك) اضغط هــــــــــنا

تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات