بسبب سيجارة، آية سماحة تثير الجدل مجددًا على مواقع التواصل (شاهد)
أثارت صورة تداولها العديد من النشطاء على مواقع التواصل الاجتماعي، للفنانة آية سماحة، جدلا كبيرًا، بسبب ظهورها وهي تدخن سيجارة.
بعض الصفحات تناولت الصورة بعنوان (فضيحة آية سماحة)، ما أثار غضب آخرين اعتبروا أن الأمر لا يعدو كونه حرية شخصية.
وكتب المؤلف الشاب أيمن سليم على صفحته الشخصية قائلا: "فضيحة آية سماحة.. ده عنوان فيديو نازل للفنانة آية سماحة و هي قاعدة في مهرجان فني و بتشرب سيجارة 🤦♂️ و رغم إن اللي صورها كان مستخبي زي الحرامية إلا إنها كانت في الفيديو بتبص حواليها و مش عايزة ترفع إيديها اللي فيها السيجارة علشان ماتتصورش ، أفتكر إن آية سماحة شبه اترجمت هي و جوزها لما انتقدوا تصوير الجنازات و الناس اللي بيصوروا بتليفوناتهم و للأسف عبروا عن ده بشكل غلط ف الكل هاجمهم هما ، يا ترى لحد إمتى هيفضل مستمر إن اللي قاعد فاضي ياخد تليفونه و ينزل يلف على الحفلات و ينزل فيديوهات بعناوين " فضيحة - موقف محرج - حد خد باله ؟ - حد شايف حاجة ".. و على فكرة معلومة - كل نجمات السينما زمان كانوا بيشربوا سجاير - علشان قريت في التعليقات إن الجيل الجديد بتاع آية سماحة جيل بايظ و بيسجَر و كده.".
فيما عقلت أخرى تدعى شريهان أيوب: "هي حرة ودي مساحتها الشخصية".
وقالت ثالثة تدعى جيهان نورزاد: "فيه بكابورتات عايشين معانا بيشوفوا إن تدخين الست عار وفضيحة زي ما برضو فيه بكابورتات عايشين معانا بيشوفوا إن أي واحدة مش محجبة حلال فيها التحرش".
جدل ليس بجديد
الجدل حول آية سماحة ليس بجديد، إذ أنها هوجمت من قبل حينما طلبت منع تصوير الجنازات احتراما للمتوفى، فضلا عن أزمتها مع الفنانة مشيرة إسماعيل، بسبب منشور على فيسبوك انتقدت فيه آية سماحة الفنانة مشيرة إسماعيل في خلاف حول عيادة بيطرية.
من جهة أخرى، ظهرت الفنانة بسمة بالسيجارة خلال افتتاح مدرسة الرقص للفنانة دينا.
تابع موقع الأيام المصرية عبر قناة (يوتيوب) اضغط هــــــــــــنا
تابع موقع الأيام المصرية عبر تطبيق (فيسبوك) اضغط هــــــــــنا
تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات