فرق سرعات، مي كساب تكشف عن سر خطير في علاقتها بزوجها أوكا (شاهد بالفيديو)

ظهرت الفنانة مي كساب ضيفة في برنامج "ضيفي" مع الإعلامي معتز الدمرداش، على قناة الشرق، وكشفت فيها عن سر نجاح زواجها من مطرب المهرجانات أوكا رغم فارق السن بينهما.

الدمرداش فاجأ مي بسؤالها عن كيفية استمرار علاقة الزواج رغم فارق السن، فقالت: أنا في الأول مكنش عندي مشكلة خالص لأن محمد عجبني أنه طموح وبيحلم ينجح وبيحب شغله أوي فمكنتش حاسه أبدًا بفرق السن، لكن بعد شوية بأمانة وبكل صراحة حسيت أوي بده".

وأضافت: “لأن أنا شخص بيفهم الحقيقة بسرعة ففهمت حقيقه الحياة بسرعه جدا وفجأة خلاص مبقتش عاوزة حاجات معينة هو لسة عاوزها بحكم سنه”.

وحينما رد الدمرداش بأن ذلك ما يسمونه (فرق سرعات)، ردت قائلة: “أيوة بالظبط ،، علشان كدا لما حد بيسألني ويقولي احكيلنا تجربتك في اني اتجوز حد أصغر مني دايما بشوف إن دي المشكلة الأساسية.. إن في وقت من الأوقات لو الست أكبر خلاص بتكون وصلت لمرحلة خلاص انا اكتفيت بس هو لسة ماكتفاش”.

وعن طريقة العلاج لهذه المشكلة، قالت مي: “علاجها بقا إنه يرضى بالأمر الواقع ويستسلم ويقول شكرا يارب على الست الجميلة دي والثلاث أولاد وإننا نتنازل عن شوية حاجات عاوزينها ونهدا والدنيا بتمشي ،، أهم حاجة الرضا .. راضي هتعيش طول عمرك في سعاده ورضا ،، مش راضي هتعيش تعـيس وفي كآبة ونقـم فكلمة السر في نجاح أي علاقة هي الرضا ”.
 

أبرز تصريحات مي كساب في الحلقة:

تحدثت عن علاقتها بزوجها أوكا، وقالت إن جوازهم كان فيه صعوبات وتحديات في البداية، لكن التضحيات والتنازلات من الطرفين هي سر نجاح واستقرار العلاقة.

وكشفت إنها عملت عملية تكميم للمعدة، وأكدت إن القرار ده مسؤولية كبيرة لازم الواحد يلتزم بيها.

وتحدثت عن أولادها، ووصفت جوزها أوكا إنه طفل معاهم في البيت.

مشوارها الفني:

قالت إنها غلطت في حق نفسها كـ مطربة، وإنها كانت بتشتغل في الغناء في المطاعم في بداية مشوارها.

أشادت بدورها في مسلسل "جعفر العمدة" وقالت إنها سعيدة بالنجاح الكبير اللي حققه المسلسل.

حكت عن بدايتها في التمثيل، وأن المخرج كان بيشوفها في فيديوهات كليب الغنوة بتاعتها، وإنها كانت بتمثل قبل مسلسل "تامر وشوقية".

• تابع موقع الأيام المصرية عبر قناة (يوتيوب) اضغط هــــــــــــنا
• تابع موقع الأيام المصرية عبر تطبيق (فيسبوك) اضغط هــــــــــنا
• تابع موقع الأيام المصرية عبر تطبيق (تويتر) اضغط هــــــــنا

موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.