اللي المفروض يحمينا بيموت فينا، فتاة تستغيث بالداخلية من اعتداءات والدها (شاهد بالفيديو)
تداول نشطاء على مواقع التواصل الاجتماعي، مقطع فيديو لفتاة تستغيث من والدها، وتطالب وزارة الداخلية للتدخل لحمايتها منه.
الفيديو تضمن محاولة رجل ضرب سيدة وفتاة، وسط صراخ وعويل واستغاثات دون مناجاة.
فيما كتبت صاحبة الفيديو قائلا: "أنا بستغيث بأي حد في البلد اللي المفروض فيها قانون يجيب حق أي حد ليه حق. المفروض إن اللي في الفيديو ده أَبُويا اللي المفروض يحمينا هو هو اللي بيموت فينا بقالنا سنتين على الحال . قبل الضرب ده ف الأول قفل علينا الشقة الساعة 3 فجرآ وبيقول لازم حد فينا يخلص على التاني لازم حد يموت النهاردة، وبداية المشكلة المرة دي كان حبسنا كلنا في الأوضة وممنوع حد يطلع حتى للحمام ماما بس طلعت للحمام وهنا كانت البداية.. لا حد عارف يدخل ولا حد عارف يسكته. وطبعًا من سنتين ضرب وإهانة وتكسير لينا ولماما.
وأضافت: “إحنا خمس أخوات من ضمنهم طفلين لو قدرت أحمي نفسي غصب عني مش قادرة أحميهم ، لو الجيران ال ف الشارع مكنوش كسرو الباب ودخلو خلصونا من ايده كان موتنا و الجيران لحقونا النهارده الله أعلم المرة الجاية هيلحقونا امتى حضرته مش متحمل أي مسؤوليه عننا كلنا وده طبعا مش كفاية بالنسبة له ، لازم يكسر فينا كل يوم بطريقة مختلفة، فينا ومحدش يسألني سبب كل ده إيه. ممكن تسألوه لأن إحنا عجزنا إننا نعرف السبب أو ذنبنا إيه أصلاً في كل ده. وطبعًا ده مشكلة واحده فقط من ضمن المشاكل اللي بتحصل كل يوم عادي ولا جيران قادرين يمنعوه ولا اهل ولا غيره بس فيه حكومة في البلد . طبعا إحنا لا عارفين ناخد حقنا ولا حد قادر يسكته ولا بيسكت أصلا”.
وتابعت: “طبعًا بعد الفيديو ده كلكم عارفين لو تليفوني اتقفل يبقى مين، ولو حصل لي حاجة أنا وإخواتي يبقى مين ومن 2023 وإحنا رافعين قضايا وأرقام المحاضر موثقة بالتواريخ لله الحق والمنتقم الجبار.. أتمنى حد يسمع ندائي، أتمنى حد يقدر يمنعه من إيذائنا، أتمنى نقدر نتنفس بس. يسمح لينا إننا نتنفس مش أكتر من كده، بس نقدر نتنفس بأمان وننام ساعة واحدة بأمان من غير خوف. إحنا مش في غابة، وأنا ليّا صوت ولازم يتسمع”.
- تابع موقع الأيام المصرية عبر قناة (يوتيوب) اضغط هــــــــــــنا
- تابع موقع الأيام المصرية عبر تطبيق (فيسبوك) اضغط هــــــــــنا
- تابع موقع الأيام المصرية عبر تطبيق (تويتر) اضغط هــــــــنا
موقع الأيام المصرية، يهتم موقعنا بتقديم خدمة صحفية متميزة للقارئ، ونقدم لكم خدمة ومتابعة شاملة ومجموعة كبيرة من الأخبار داخل الأقسام التالية، أخبار، رياضة، فن، خارجي، اقتصاد، الأيام TV، حوادث، خدمات مثل سعر الدولار، سعر الذهب، أخبار مصر، سعر اليورو، سعر العملات ، جميع الدوريات.