احترموا الكيان، محمود الخطيب يوجه رسالة قوية للاعبي الأهلي

الخميس 11/سبتمبر/2025 - 10:11 م

قام محمود الخطيب رئيس مجلس إدارة النادي الأهلي بتوجيه رسالة حاسمة للاعبي الفريق الأول لكرة القدم خلال التدريبات الجماعية اليوم، على ملعب مختار التتش، شدد خلالها على أهمية العمل الجاد والالتزام بروح القلعة الحمراء، من أجل استعادة النتائج الإيجابية ومصالحة الجماهير.

رسالة محمود الخطيب للاعبي الأهلي

ووجه محمود الخطيب رسالة قوية إلى لاعبي الفريق، قائلًا: الكورة مش أسماء، الكورة جدعنة ورجولة وجري واحتكاك، مش أسامي أبدًا، الملعب بيشهد لمين اللي بيقاتل، مش لمين اسمه أكبر.

وأضاف: خدوا بالكوا احنا في ملعب مختار التتش دلوقتي، وده واحد من أساطير النادي مرورًا لغاية سيادتكم، ومرت أساطير كتير احسن مننا، وكله راح.

وتابع: انتوا دلوقتي الواجهة بتاعة النادي، ليه بقول الكلام ده؟ كلنا بنزول، الأهلي اللي باقي، واللي صنع الاسم ده مين؟ الأهلي بيصنع أسماء كل يوم.

وأكمل: مينفعش الناس تلعب بأساميها، لازم تلعب بمجهودها، الفترة اللي فاتت دي مكنتش أحب أبدًا تكون معاكم انتوا، الأهلي تاريخ وكيان ومبادئ وقيم وهيفضل كدة والنادي هيذكر اللي بيمشي على نفس الخط بتاعه، ولازم نفكر ناويين نعمل ونقدم ايه.

وأردف: اتكلمت معاكم قبل كدة وواضح اننا نسينا ومش هتكلم تاني، المطلوب منكوا ازاي تقدروا وتحترموا جماهير الأهلي، الفريق بيصبر لكن مبيقبلش غير اللي هيساهم في رفع اسم النادي، ده اللي بنقبله بس.

واختتم: عندي ثقة في كل واحد فيكوا، ننسى الفترة اللي فاتت ونشوف اللي جاي، وأنا متأكد يا رجالة لو التركيز زاد هتحققوا كل اللي الجمهور بيتمناه، حافظوا على تاريخكم وتاريخ ناديكم، نقدر ونحترم جماهيرنا، ده المطلوب مننا.