التحقيق مع حسام حبيب، كواليس خضوع المطرب للمسائلة (فيديو)

الثلاثاء 26/أغسطس/2025 - 11:30 م

يتساءل الجمهور حول حقيقة التحقيق مع المطرب حسام حبيب طليق شيرين عبدالوهاب، في الساعات الماضية بعد ورود اسمه في تحقيقات النيابة.

وكشفت الإعلامية بسمة وهبة، حقيقة التحقيق مع حسام حبيب، عبر حسابها الرسمي على موقع تبادل الفيديوهات الشهير "إنستجرام".

وظهرت بسمة وهبة، في مقطع فيديو، قالت خلاله :"والله ياجماعة ولا شيرين رجعت لحسام، ولا حسام رجع لشيرين، كل الحكاية إن حسام شعر بأن شيرين، عايزة حد جمبها فوقف جمبها".

وتابعت بسمة وهبة، قائلة :"بصرف النظر، إحنا رافضين ولا قابلين، عشان أنا شايفة إن الناس مقررة أنها تدخل في قرارات شيرين، وهي لم تعطي لأحد الحق بذلك".

وأضافت بسمة وهبة، قائلة :"تاني حاجة، حسام بيتحقق معاه، تقريبًا بيتحقق معاه، التفاصيل مش عارفاها بالظبط ومقدرش أقول حاجة أنا مش عارفاها".

View this post on Instagram

A post shared by Basma Wahba (@basma_wahba)

وكانت بسمة وهبة، تقدمت باستغاثة لحسام حبيب، بعد ساعات قليلة من تداول عودته لـ شيرين عبدالوهاب، عبر "إنستجرام".

وظهرت بسمة وهبة، في مقطع فيديو، من خلال خاصية "الاستوري"، وقالت :"شيرين لما كانت مع حسام، كانوا بيتخانقوا بس مكنش عندها اكتئاب، ولا كانت حزينة كانوا بيتخانقوا زي أي اتنين فولت 120 و110".

وتابعت بسمة وهبة، قائلة :"وارد في ناس بيحبوا بعض ومبيعرفوش يعيشوا مع بعض، وفي ناس مبيحبوش بعض وبيعرفوا يعيشوا مع بعض، شيرين وحسام بيحبوا بعض، دي كل الحكاية، فبلاش أسلوب الجلد دا لشيرين، هي قيمة وقامة مينفعش نعمل معاها كدا، هي حره في اختيارها".

وأضافت بسمة وهبة، قائلة :"إحنا مالنا أتجوزت مين ولا سابت مين إحنا مالنا، وبعدين مين عرفكوا اللي كانوا حواليها، ممكن حسام ينقذها، من الخطر اللي حواليها".