بسمة وهبة تستغيث بـ حسام حبيب بسبب شيرين عبدالوهاب (فيديو)

الجمعة 22/أغسطس/2025 - 11:06 م

تقدمت الإعلامية بسمة وهبة، باستغاثة للمطرب حسام حبيب، عقب عودته للمطربة شيرين عبدالوهاب، عبر حسابها الرسمي على موقع تبادل الصور والفيديوهات الشهير "إنستجرام".

واستخدمت بسمة وهبة، خاصية "الاستوري"، وقالت خلال مقطع فيديو :"شيرين لما كانت مع حسام، كانوا بيتخانقوا بس مكنش عندها اكتئاب، ولا كانت حزينة كانوا بيتخانقوا زي أي اتنين فولت 120 و110".

وتابعت بسمة وهبة، قائلة :"وارد في ناس بيحبوا بعض ومبيعرفوش يعيشوا مع بعض، وفي ناس مبيحبوش بعض وبيعرفوا يعيشوا مع بعض، شيرين وحسام بيحبوا بعض، دي كل الحكاية، فبلاش أسلوب الجلد دا لشيرين، هي قيمة وقامة مينفعش نعمل معاها كدا، هي حره في اختيارها".

وأضافت بسمة وهبة، قائلة :"إحنا مالنا أتجوزت مين ولا سابت مين إحنا مالنا، وبعدين مين عرفكوا اللي كانوا حواليها، ممكن حسام ينقذها، من الخطر اللي حواليها".

وأكملت بسمة وهبة، قائلة :"هنتهزها فرصه وهطلب من حسام، لإنه قادر بحبه ليها وحبها ليه، إنه يرجعلنا شيرين بتاعة زمان".

واختتمت بسمة وهبة، قائلة :"عمري ما شوفت محامين بيدخلوا في شؤون الموكلين بتوعهم الخاصة، وعمرنا ما سمعناها ولا عمرها حصلت، إيه ده".

وفي سياق متصل، كشف مصدر مقرب، في تصريحات خاصة لـ "الأيام المصرية"، أن عودة شيرين عبدالوهاب وحسام حبيب، ليس وليد عدة ساعات بل تجاوزت شهرًا، وكلاهما فضلا عدم الإعلان حينها تحسبًا لأي خلاف جديد.

حسام حبيب يدعم شيرين عبدالوهاب بعد أزمة المغرب

وكان حسام حبيب، فاجأه الجمهور بدعمه لشيرين عبدالوهاب، في شهر يوليو الماضي، عقب أزمتها الأخيرة بحفل مهرجان موازين بالمغرب، إذ صرح حينها قائلًا :"علاقتي بشيرين زي الفل، وما فيش بينا أي مشاكل".

وتابع حسام حبيب عن شيرين عبدالوهاب، قائلًأ :"الإخوات بيتخانقوا واللي بينا لو الناس عرفته هيتضحكوا من بساطته، شيرين فنانة عظيمة وصوت الوطن العربي كله، مش بس صوت مصر، ولو في يوم زعلتها بكلمة أو تصرف، أنا بعتذر لها قدام الناس كلها".

وأضاف حسام حبيب عن شيرين عبدالوهاب، قائلًا :"هي نجمتي المفضلة، وصوت عبقري ما يتعوضش، نفسي أشوفها دايمًا ناجحة ومكسرة الدنيا، وهي قدوة لينا كلنا في الإصرار وحب الجمهور".

وأردف حسام حبيب عن شيرين عبدالوهاب، قائلًا :"شيرين بتحب جمهورها أكثر من أي حد، وأنا شفت ده بنفسي، كانت بتعتبر جمهورها أهلها، وأنا في يوم من الأيام كنت بغير من حب جمهورها ليها".

وأكمل حسام حبيب عن شيرين عبدالوهاب، قائلًا :"يا شيرين، يا حبيبة قلبي، علمتينا يعني إيه حب الفن وحب الناس، كلنا بنتعلم منك رغم صغر سنك، وإن شاء الله دايمًا نشوفك في أحسن حال".