يكشفها أحد المتهمين، تفاصيل جديدة في قضية سارة خليفة (المخدرات الكبرى)
التحقيقات تكشف تفاصيل جديدة في واقعة اتهام سارة خليفة و27 آخرين في قضية المخدرات الكبرى لتكوينهم تشكيلا عصابيا بتقسيمهم إلى مجموعات من أجل السفر خارج البلاد لجلب المادة الخام للمواد المخدرة وتوزيعها وتصنيعها داخل البلاد.
وتتواصل التحقيقات في القضية التي تحمل رقم 6838 لسنة 2025 جنايات التجمع الاول والمقيدة برقم 1347 لسنة 2025 كلي القاهرة الجديدة، والمتهمة بها سارة خليفة و27 أخرين، والمعروفة إعلاميا بقضية المخدرات الكبرى.
ووجهت جهات التحقيق للمتهمين تهمة تشكيل عصابة والانضمام إليها بهدف جلب المواد المخدرة داخل مصر بالمخالفة لأحكام القانون، وهي المضبوطات التي تم عرضها على المتهمين بقصد الإتجار فيها على النحو المبين بالأوراق.
س: ما ظروف ضبطك وعرضك علينا؟
ج: اللي حصل إني كنت أعرف شخصين أحدهما صاحب ابني، وهما الاثنين اتمسكوا واتقبض عليهم، والشخص الأول اتقبض عليه من بيته مدينة نصر ومعرفش عنوانه، وأخدوا من عنده في البيت حشيش وبودر، ولكن الشخص الثاني أنا استغربت أخدوها ليه، وأخدوا أخوها وابن خالتها وأمها، لما حصل واتقبض عليهم أنا خدت مراتي وبنتي ومرات ابني ومشيتهم بالأطفال، ورحنا من بيت السياحية لبيت بنت عمتي في عين شمس، ولكن ودّيت الستات إسكندرية، وقلتلهم يروحوا يغيروا جو، ومن حوالي 10 أيام تقريبًا ومش فاكر التاريخ، جات إدارة مكافحة المخدرات وخدوني من عند بنت عمتي في عين شمس، وخدوني زي ما أنا بطولي، وبعد ما فتشوا المكان، كان معايا محفظتي ومبلغ 87 ألف جنيه وشنطة سوداء فيها علاجي، وأخدوني على الإدارة، ومن ساعتها وأنا في الإدارة لحد ما جابوني على هنا النهاردة.
س: ما هي طبيعة نشاطكما في المواد المخدرة؟
ج: هو الشخص الأول وصل إنه يطبخ هو.
س: وما المقصود بكلمة يطبخ؟
ج: يعني يعمل بودر.
أكثر من نصف طن مخدرات.. ننشر تقرير المعمل الكيماوي في قضية المخدرات الكبرى والمتهم فيها سارة خليفة و27 آخرين| تحقيقات
نصف كيلو ذهب و3 حسابات بنكية.. ننشر اعترافات سارة خليفة في قضية المخدرات الكبرى | خاص
س: وما هي كيفية قيامكما بتصنيع ذلك المخدر؟
ج: هو أنا مقدرش أقعد في طبخه لأني مركب 3 دعامات وصدري ما يستحملش ريحته، ولكن أنا شوفت قارورة وسخان وحاجة إزاز زي كوباية كبيرة جواها سخان، وبيحط خامات على بعض وبيسخنوها على السخان ويطلع بودر وبيفضل طالع نازل.
س: وما هي مكونات تصنيع البودر المخدر تحديدًا؟
ج: هي أزازيز صفيح جواها سائل وبرطمانات بتاعة الجيم.
س: وما طبيعة محتوى تلك العبوات المذكورة تحديدًا؟
ج: هي الأزازيز الصفيح بيبقى جواها سائل ريحته زبالة، والبرطمانات بيبقى جواها البودر بتاع الجيم العادي.
س: وما هي كيفية تحويل تلك المكونات إلى مادة مخدرة؟
ج: هي المكونات لما بتتخلط وبتتسخن بتبقى مخدرات البودر.
س: ومن مكتشف تلك الخلطة بتلك المكونات وطريقة صنعها وتحويل تلك الخامات إلى مادة مخدرة؟
ج: هو دوريد العراقي، هو اللي عرف الطريقة دي، وهو اللي بيعلمها للي شغال معاه.
