ربيته بالحلال، ميار الببلاوي تحتفل بخطوبة ابنها وتشكر زوجها "الأب اللي مخلفش وسند"

تعيش الإعلامية ميار الببلاوي حالة من الفرحة العارمة، بسبب خطوبة ابنها محمد، مؤكدة على سعيها الدائم أن تستكمل مسيرتها معه وتربيته "بالحلال" على حد وصفها.

ميار الببلاوي تشارك فرحتها بخطوبة نجلها

وحرصت الإعلامية ميار الببلاوي على مشاركة متابعيها عبر حسابها الرسمي على موقع التواصل الاجتماعي "فيس بوك"، مقطع فيديو من أجواء الاحتفال بخطوبة نجلها محمد، تكشف من خلالها عن فرحتها وسعادتها بمرحلة جديدة في حياته.

ميار الببلاوي: ربيته بالحلال وشقيت

وعلقت ميار الببلاوي على مقطع فيديو خطوبة نجلها محمد، مشيرا إلى رحلتها في تربيته التي حرصت بها على أن تقوم بتربيته بالحلال، كما قدمت الشكر لكل من حضر وللأهل والأصدقاء.

وكتبت نصًا: "ما شاء الله تبارك الله عقبال أولادكم ابن عمرى يارب قوينى أكمل المشوار لحد ما أشوفه فى بيته و ربنا عالم إني ربيته بالحلال وشقيت علشان أشوف اليوم ده".

اقرأ أيضًا

رونالدو وجورجينا، خطوبة بعد 9 سنين ارتباط و3 عيال (شاهد)

سعر خاتم خطوبة كريستيانو رونالدو وجورجينا مفاجأة

على أنغام "نقول مبروك"، خطوبة شقيقة الفنانة هنا الزاهد (صور)

خطوبة أحمد حمدي وشهد مكرم، قصة حب غير متوقعة و"الرباط الصليبي" 

واستكملت: " أبعد عنه العين واحفظه بحفظك يارب العالمين واجعلها زوجه الدنيا والآخرة وشكرا لكل أهلى وأصحابى وأخواتى اللى كانوا جنبى وربنا يشفيلى أختى ويقومها بالسلامه وعقبال أولادكم جميعا واللى وقف جنبى وقدرنى  فى فرح ابنى الوحيد على راسى ومردوداله فى الأفراح واللى مكنش معانا قبلت عذره  وشكرا تانى".

واضافت: " واللى يحبنى يقول ماشاء الله  اما أختى مروه هعيش عمرى كله  مش هوفى وقفتها مع أخوها الصغير مش ابن اختها  الجدعنه والحنيه ربنا يخليكى ليا يانور عينى واردلك يوم فرح عيالك وربنا يشفى مها ونقف كلنا يوم معتز".

ميار الببلاوي تشكر زوجها على وقفته مع نجلها

واختتمت ميار الببلاوي منشورها موجه رسالة لزوجها على مساندته لها ولنجلها، وكتبت نصًا: "جوزى ده بقى الأب اللى مخلفش بس الراجل والسند ودنيتى الحلوه ربنا يخليك ليا وميحرمنى من وقوفك حنبى يا حب عمرى كله شكرا لاخر عمري يا عمري".