عفاف مصطفى تهاجم أحمد عبدالعزيز: نجومنا معندهمش مشاكل نفسيه
هاجمت الفنانة عفاف مصطفى، الفنان أحمد عبدالعزيز، بسبب الفيديو المتداول له في الساعات الماضية، إذ ظهر بأنه تجاهل أحد معجبيه.
وكتبت عفاف مصطفى، عبر حسابها الرسمي على موقع التواصل الاجتماعي "فيسبوك"، قائلة :"اللي يعرف الشاب ده ياريت تخلوه يتواصل معايا عالخاص، أنا هاخده معايا اللوكيشن وفي وقت البريك هاخليه يسلم ويتصور مع كل نجوم الفيلم النجوم النجوم فاهمين يعني إيه النجوم؟؟".
وتابعت عفاف مصطفى، قائلة :"إنت علي رأسي يا حبيبي وإنتوا الدعم بتاعنا وجمهورنا واللي حصلك ده ما يخليكش تزعل نهائي للعلم يا إبني العزيز، نجومنا متواضعين جدًا معندهمش ديفوهات نفسيه ولا غاويين يتمنظروا على الناس أو جمهورهم لأن الجمهور هو صاحب الفضل في شهرة الفنان".
وأضافت عفاف مصطفى، قائلة :"لكن تعمل إيه في ناس عايشين الدور وقاصدين بل متعمدين يعملوا تريند قدام المصورين علي حساب شاب تعامل بصفاء نيه ونقاء وتم كسر الفرحه اللي كانت باينه في عنيه لما شاف ممثل".
واختتمت عفاف مصطفى، قائلة :"وعد مني هقابلك بالنجوم يا إبني، حقك علي راسي يا إبني الكريم اللي ماعرفش اسمه، والله يا حبيبي دمي محروق عشانك من ساعة ما شفت الفيديو امبارح، يا إبني الطيب البرئ، إنت أكرم من أي حد قاصد يعمل حركات للفت نظر المصورين عشان أم الترند الرخيص اللي جنن الناس ".
وفي سياق متصل، أصدر أحمد عبدالعزيز، بيانًا ليكشف خلاله تفاصيل تلك الواقعة، قائلًا :"الحقيقة إن الموقف كان سريع جدًا، وأنا داخل الفعالية متأخر وبجري عشان اركب الأسانسير واطلع لمكان العرض، ولما شفته واقف افتكرت إنه بيفتح لي الطريق وإنه ضمن المنظمين ، ومخدتش بالي إنه بيمد إيده للمصافحة".
وأضاف أحمد عبدالعزيز، قائلًا :"عمري ما رفضت سلام أو صورة مع أي حد من جمهوري، بالعكس أنا دايمًا بشوف إنكم السبب في نجاحي، ومحبتكم أكبر دعم ليا".
واختتم أحمد عبدالعزيز، قائلًا :"اللي حصل كان سوء فهم، وأتمنى الناس تتفهم إن في لحظات سريعة ممكن تتفسر غلط، أنا واحد منكم".
