بلبس عريان وبعمل خير من غير إعلان، منة فضالي تثير فضول متابعيها ما القصة؟

ردت الفنانة منة فضالي على منتقديها في الفترة الأخيرة، بسبب ملابسها وظهورها مؤخرًا بأكثر من إطلالة مثيرة كان من بينها "مايوه بيكيني".

منة فضالي ترد على منتقدي ملابسها المثيرة

وحرصت منة فضالي على أن ترد وتبرر لمتابعيها، مؤكدة على أن ملابسها العارية "كما تم وصفها من جمهور السوشيال ميديا"، لم تكن مقياس على درجة قربها من ربنا، مشيرة إلى أنها يمكن أن تكون أقرب إلى الله من الكثير.

وشاركت منة فضالي متابعيها عبر حسابها الرسمي على موقع التواصل الاجتماعي وتبادل الصور إنستجرام صورة لها، وارفقتها بمنشور طويل، تحدثت من خلاله عن الانتقادات الموجهة لها في الفترة الأخيرة.

منة فضالي : الفلوس حلوة بس مش كل حاجة

وبدأت منة فضالي منشورها، قائلة: " أوعي تصدق اللي تقولك صاحبتي وأختي و حببتي أو صاحبي وأخويا و حبيبي إلا لو كان بـ الفعل أصل الكلام ببلاش لكن الأفعال محتاجة مجهود".

وأكدت منة فضالي من خلال منشورها، أن المال لا يشتري الصحة والأهل،  قائلة: "الفلوس حلوة و كل حاجه بس مش كل حاجه الفلوس لأنها مش بتشتري الصحة والأهل واللي ماتو و فارقونا …في حاجات كتير في حياتنا أهم من كل ده".

اقرأ أيضًا

"ملهمة الموضة" لعام 2025، منة فضالي تخطف الأنظار في حفل تكريمها|فيديو

منة فضالي "ملهمة الموضة" في الدورة الـ13 من مهرجان Fashion Awards

"عيب إحنا في أيام مفترجة"، الجمهور يهاحم الإطلالة العارية لـ منة فضالي | صور

"ابق قريبا ممن يتنفسون الحياة".. منة فضالي بإطلالة صيفية جريئة من لبنان

منة فضالي : حبيبي قرشي و أخويا صحتي

واستكملت منة فضالي منشورها، وكتبت نصًا: "صاحبك دراعك حبيبي قرشي، و أخويا صحتي، ربنا ما يحوج حد لحد أبدا".

وأشارت منة فضالي لحديث البعض عنها، والتساؤلات حول ملابسها المثيرة ومقدار قربها لله، قائلة: "تقولولي بتقولي الكلام ده ليه دلوقتي و أنتي كل شويه في بلد و منين فلوس و الجو النيلة ده، أقولكم الحمد لله أنا اشتغلت كتير جدا جدا وده رصيدي يمكن حظي مش زي كل الناس بس أنا راضية والحمد لله بـ للي ربنا ادهولي".

وأضافت: "حتقولولي و أنتي بتعرفي ربنا و أنتي بتلبسي عريان أقولكم آه يمكن أنا عند ربنا أحسن من ناس كتير يمكن بعمل خير كتير من غير إعلان لأن اللي بيعمل خير مش لازم يقول دي حاجه بينك و بين ربنا بس، كفايه اني عمري ما أذيت حد في حياتي بالعكس أنا دايما بتأذي".

واختتمت منة فضالي منشورها، قائلة: "اللي عاوزة أقوله محدش يعتمد علي حد ولا يصدق حد ولا يثق في حد في الزمن ده النفوس وحشه أوي علشان كده أنا دايما لوحدي أو مع أمي وكلابي و بس لأن مفيش حد له أمان
ربنا يحرس الجميع من شر نفوس الناس".