محمد هنيدي عن مشاهير التيك توك: الشتيمة والإيحاءات الجنسية بتعجب ناس كتير
كشف الإعلامي محمود سعد، عن مناقشته القبض على مشاهير التيك توك، مع الفنان محمد هنيدي، على خلفيه الأحداث الجارية، عبر حسابه الرسمي على موقع التواصل الاجتماعي "فيسبوك".
وأعلن محمد هنيدي، عن رأيه في تلك القضية، إذ علق قائلًا :" المشكلة مش الذوق العام ولا فكرة تدخل الدولة، المشكلة أعمق بكتير، وهي إن نوع معين من المحتوى "الشعبوي"، اللي فيه حوار شعبي شوية شتيمة وشوية إيحاءات جنسية بقى بيعجب شرائح كبيرة جدًا من الناس".
وأضاف محمد هنيدي، قائلًا :"بصراحة، حتى إحنا ممكن نوقف ونتفرج كفضول؟، الناس دي بقت مصدر جذب أكثر من السينما والتلفزيون، ومع كل لايك ومشاهدة بيطلع ناس تانية تسيب شغلها، وتقول أنا كمان هعمل ده".
وتابع محمد هنيدي، قائلًا :"في الأول بيبدأ لايف بسيط، ومع الوقت، ومع قلة الفلوس، الناس دي تبدأ تزود في الانحدار علشان تجيب مشاهدات، والكارثة ؟ الجمهور موجود".
وأردف محمد هنيدي، قائلًا :"تيك توك بقت المنصة الأولى في الشرق الأوسط ومصر، لو نزلت مول البستان أو مول أركان هتلاقي ۷۰% من الناس عارفين التيكتوكرز واحد واحد".
وأكمل محمد هنيدي، قائلًا :"بقى عندنا نجوم بيعملوا إعلانات وبيتكرموا، وبيتصوروا في كل مهرجان، النتيجة؟، العقل الجمعي للمجتمع بيتغير، الجيل الجديد بقى شايف إن ده هو "الصح"، وده هو النجاح، وناس كتير، رغم إنها مش قادرة تعمل زيه لكن بتحس بإحباط ".
واختتم محمد هنيدي، قائلًا :"واحد بیشقی 12 ساعة، والتاني بيشتم أهله وبيقول لفظ خارج ويكسب أكثر منه بـ 10 مرات، أنا مش مع المنع بس صعب تنفي إن في خلل كبير، خلل بيمس العقول، والوعي، وشكل المجتمع نفسه، التأثير حقيقي، وخطر جدًا على أجيال كاملة".
