مروة صبري عن اتهام وفاء عامر بتجارة الأعضاء: التيك توك شحاتة ودعارة

علقت الإعلامية مروة صبري، على واقعة اتهام الفنانة وفاء عامر وهبة التركي أرملة لاعب الكرة إبراهيم شيكا، بالإتجار بأعضاء الأخير، عبر حسابها الشخصي على موقع التواصل الاجتماعي "فيسبوك".

وكتبت مروة صبري، قائلة :"بنت محمد حسنى مبارك مين والناس نايمين ؟؟؟؟، التيك توك والأسود اللى بتيجى منه عملوا هطل للناس ياعينى، السيناريو المرسوم في قصه الست المجنونه اللى بتقول على نفسها بنت حسنى مبارك وإيمان الطوخى".

وأضافت مروة صبري، قائلة :"قالتلك أنا لازم اطلع أخدلى قرشين من التيك توك ده بسرعه، أعمل إيه ؟؟؟، هو أنا لسه هطلع أقول كبس كبس، وأبدء الطريق من أوله ؟؟، لا أنا عايزه انجز". 

وتابعت مروة صبري، قائلة :"اطلع أتكلم عن أى قصه عامله قلق على السوشيال ميديا زى إبراهيم شيكا، الله يرحمه، وأقول كام اسم لكام حد مشهور وأقول إنهم بيتاجروا في الأعضاء، وهتشاف أسرع وأعمل مشاهدات عاليه وهينزلى دعم، أسود و نمور و وورد و فل و ياسمين، واكسبلى قرشين". 

وأردفت مروة صبري، قائلة :"ولما يقفشونى ويحبسونى ويكتشفوا إنى كدابه هكون لميت شويه فلوس، أدي منهم 200 ألف للمحامى واتحبسلى شويه واطلع استفيد بالفلوس اللى أخدتها من التيك توك".

إقرأ أيضًا

طارق الشناوي: أسامة أنور عكاشة ماركة مسجلة ويوسف شاهين تبرأ من "سكوت هنصور"| خاص

عزيز مرقة: أتفاعل مع الجمهور في حفلاتي في الساحل الشمالي

واختتمت مروة صبري، قائلة :" تاني وتالت ومليون، التيك توك شحاته ودعاره و سرقه الكترونية، اقفلوه و ارحمونا من مصايبه القذره".