وائل كفوري يطرح راجعين لوطنه لبنان (فيديو)

استغل المطرب اللبناني وائل كفوري نشاطه الفني لصيف 2025 بإطلاق عمل وطني جديد حمل عنوان "راجعين"، وذلك خلال إحيائه حفله الغنائي ضمن مهرجانات الأرز الدولية، حيث افتتح الأمسية بهذه الأغنية وسط تفاعل جماهيري كبير.

"راجعين".. رسالة وطنية بصوت وائل كفوري

تحمل أغنية "راجعين" توقيع الشاعر منير بو عساف من حيث الكلمات، فيما تولى بلال الزين مهمة التلحين والتوزيع الموسيقي، الأغنية من إنتاج وائل كفوري نفسه، وتم تنفيذها بالتعاون مع شركة And Beyond، وتوزيعها عبر شركة  Digital Sound، في إطار إصدار منفصل عن ألبومه المرتقب WK 25.

أقرأ أيضًا

بالفيديو، نيشان يوضح حقيقة زواج وائل كفوري من شانا عبود

عزيز مرقة يطرح أغنية "شايفة أيه" بمشاركة جمهور لبنان

كلمات أغنية وائل كفوري راجعين

من بعد ما فقدنا الأمل بوطن إلنا

وعِشنا بغُربة عن وطنّا غصب عَنّا

من بعد ما فقدنا الأمل بوطن إلنا

وعِشنا بغُربة عن وطنّا غصب عَنّا

بلحظة وعي وصحوة كانت غايبة عنّا

شبكنا إيدينا مع بعض وقلنا

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

يمكن نحنا تأخّرنا

ولبنان ضللو ناطرنا

نطرة بيّ لغايب إبنو

قاعد يبكي ع بعادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

غلطنا كتير وهالمرة

مش رح منعيد الكرّة

حتى الايام المرة

ينذكروا وما ينعادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو

لبنان بيعمر برجالو

بهمّة شعبو وأبطالو

وحياة سهلو وجبالو

بدنا نرجّع امجادو

راجعين نِعمّر وطنّا

الوطن بحاجة إلنا

ومَنّو لواحد مِنّا

لبنان لكل ولادو