الأول على الثانوية الأزهرية بمحافظة البحيرة: شكرت ربنا وبكيت أول ما عرفت

قالت والدة الطالب علي، الحاصل على المركز الأول على مستوى الجمهورية في الثانوية الأزهرية 2025، إنها لم تتمالك دموعها فور معرفتها بتفوق نجلها، وأضافت: "فرحت أوي، وكنت بتابع لحظة بلحظة، ولما لقيت اسم علي في أوائل الجمهورية، انهارت بالبكاء وشكرت ربنا على طول".

وتابعت: "مكنتش في البيت ساعتها، لكن أول ما شوفت النتيجة اتصلت بيه وبلغته إنه الأول على المحافظة، وكان لسه موصلش للبيت، والفرحة دي متتوصفش".

شقيقة علي: أخويا قدوتي وبتمنى أكون زيه

من جهته عبر الطالب علي عن سعادته الكبيرة قائلًا: "الحمد لله، دي لحظة مستنيها من زمان، أهم حاجة إني وصلت لها بتوفيق ربنا".

وتابعت شقيقة علي أنها ترى أن شقيقها قدوتها خصوصًا أنها في الصف الثاني الثانوي وتتمنى أن تصبح مثله، وقالت نصًا: "علي أخويا قدوتي، وبتمنى أكون زيه في يوم من الأيام".

وأضاف علي: "صحابي كانوا بيهزروا معايا قبل النتيجة وبيقولولي شيخ الأزهر بنفسه هيكلمك وكنت بضحك، لكن فعلاً الحمد لله ربنا كرمني".

أقرأ أيضًا:

نتيجة الثانوية الأزهرية 2025 محافظة القليوبية، احصل عليها الأن من هنـــــــــــــــــــــــــــا

خطوات الحصول على نتيجة الثانوية الأزهرية 2025 محافظة الشرقية بالرقم القومي

بين الالتزام والاجتهاد.. يوميات طالب أزهري متفوق

وأشار علي إلى أن سر تفوقه هو التنظيم والنية الطيبة، قائلًا: "أنا محافظ على صلواتي، وبطيع والدي، وعمري ما بخلت على زمايلي بمعلومة أو مساعدة، كنت بذاكر كويس بس مش بحرم نفسي من اللعب والراحة".

واستكمل حديثه: "كنت بذاكر بعد الحصة على طول، ولما حسيت إن الدروس بتضيع وقت، وقفتها قبل الامتحانات بشهر وقعدت أذاكر مع نفسي".

والد علي: شكرت ربنا أولًا ثم شكرت علي

قال والده: "شكرت ربنا أول ما عرفت، وبعدين شكرت علي، كنت أول داعم ليه، بصحيه كل يوم، وبهتم بيه في كل حاجة، كنت واثق إنه هيحقق اللي بيحلم بيه".

علي: بتمنى أدخل كلية الطب

وعن طموحاته المستقبلية، قال علي: "نفسي أدخل طب بإذن الله، وأخدم الناس، وأحقق حلمي وحلم أهلي اللي تعبوا معايا، وربنا يعينني وأكون قد المسؤولية".

لا يفوتك

نتيجة الثانوية الأزهرية 2025 محافظة القليوبية، احصل عليها الأن من هنـــــــــــــــــــــــــــا

خطوات الحصول على نتيجة الثانوية الأزهرية 2025 محافظة الشرقية بالرقم القومي

كيفية الحصول على نتيجة الثانوية الأزهرية 2025

يمكن لجميع الطلاب وأولياء الأمور الاستعلام عن النتيجة برقم الجلوس من خلال بوابة الأزهر الإلكترونية باتباع الخطوات التالية:

• الدخول على الرابط التالي من هنـــــــــــــــــــــــــــــــا.
• اختيار خدمات الأزهر الشريف.
• الضغط على نتائج الشهادات الأزهرية.
• اختيار نتيجة الشهادة الثانوية الأزهرية 2025.
• إدخال رقم الجلوس الخاص بالطالب.
• الضغط على عرض النتيجة.