محمد منير يفتتح صيف 2025 بأغنية "ملامحنا".. الكينج يعود بروح شبابية |فيديو

أشعل الفنان الكبير محمد منير، الملقب بـ"الكينج"، موسم صيف 2025 بطرحه لأحدث أغانيه "ملامحنا"، التي انتظرها جمهوره، وتعتبر الأغنية أولى إصدارات ألبومه الجديد المنتظر، في خطوة جديدة تعكس استمراره في التجديد والتجربة، من خلال التعاون مع كوكبة من المواهب الشابة في مجالي التأليف والتلحين.

أغنية "ملامحنا" جاءت بكلمات الشاعرة هالة الزيات، ولحن مميز من أحمد زعيم، وتوزيع موسيقي لعمرو عبد الفتاح، بينما تولى الميكس والماستر أمير محروس، ليكتمل العمل في صورة موسيقية تعكس ملامح التطوير الذي يسعى منير لتحقيقه في ألبومه الجديد.
 

كلمات أغنية محمد منير ملامحنا

كل أما نصور ملامحنا ملامحنا 
مش دايما بنكون هو إحنا
أوقات بنبان نشبه روحنا نشبه روحنا
وأوقات نتغير
أوقات في الصورة نبان أهدى نبان أهدى
وأوقات في اللمة تبان وحده
وأوقات ملامحنا تبان باهتة تبان باهتة
وساعات بتنور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
كل أما نطبطب على روحنا على روحنا 
بنحن لذكرى بتدبحنا
وكل أما نلملم في جروحنا في جروحنا
قلوبنا بتتعور
فيه ناس من نظرة بتلمحنا بتلمحنا
وأول أما وجودها يريحنا
فجأة بتمشي وتاخد روحنا تاخد روحنا
فوق ما بنتصور
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
بس اللي يحير هو إحنا
ليه تملي عيونا بتفضحنا
والوقت اللي صحيح فيه فرحنا
ليه عمره قصير
كل أما الدنيا بتجرحنا كل أما نغير مطارحنا
تتبدل تفاصيل ملامحنا مابقتش صورنا تفرحنا ليه زي الأول
يييييه يييييه يييييه ورووه