وصية سميحة أيوب الأخيرة ، ماذا قالت عن حنان مطاوع ؟
وصية سميحة أيوب الأخيرة ، في آخر ظهور إعلامي لها، تحدثت الفنانة الراحلة سميحة أيوب خلال استضافتها في برنامج "نجمك مع يارا" عن لحظة تكريمها، واختيارها لخليفتها في المسرح، وكذلك عن من ترى أنه الأجدر بتجسيد سيرتها الذاتية، إلى جانب آرائها الصريحة في السينما، والمسرح، والسوشيال ميديا.
سميحة أيوب: لكل تكريم مذاقه الخاص
قالت سميحة أيوب خلال اللقاء:"يعني كل تكريم بيبقاله مذاقه الخاص وظروفه الخاصة، وطبعًا كل إنسان كلمة تكريم دي كلمة ليها معناها الحلو، فبيبقى التكريم بالنسبة للإنسان شيء جميل يعني".
وصية سميحة أيوب الأخيرة بخصوص حنان مطاوع
وكشفت سميحة أيوب عن سبب اختيارها الفنانة حنان مطاوع لتجسيد شخصيتها في حال تقديم عمل عن سيرتها الذاتية، قائلة:"ماهو أي حد كنت هختاره كان هيبقى ليه بالذات، وليه بالذات؟ لأنه عنده المقومات، لما بتطلبي حد وتقولي ده يبقى كذا، لازم عنده مقاومات، فهي عندها مقاومات، فنانة حلوة وبتتقدم كل شوية، بتشتغل على نفسها، وواعية هي بتعمل إيه، ودارسة كويس، وموهوبة".
وأضافت:"شايفة برضو إنها حنان مطاوع، ومش مسيطرة على قلبي بس دي حقيقتها. يعني الإنسان لما بتختاريه، بتختاريه لأن جواه حاجات كتير".
"الضوء الشارد" أحب أعمالها
وعن أكثر الأعمال التي تعتز بها في مسيرتها، قالت:"أكتر عمل بعتز بيه هو مسلسل الضوء الشارد، وكنت بتعاطف مع كل إنسان بيعمل شغله حلو".
وحول رأيها في ما يعرف بـ"السينما النظيفة"، أوضحت:"مفيش حاجة اسمها عكس النظيف، وإنتي بتطلعي الحياة، والفن ما هو إلا دراسة للحياة".
وتابعت سميحة أيوب حديثها قائلة:"وأكتر موضوع لازم نتكلم فيه هو الإنسانيات والضمير والصدق. وافتقدناهم الفترة الأخيرة إلى حد ما".
وعن السوشيال ميديا، قالت بوضوح:"ومش بتابع السوشيال ميديا ومبصدقهاش، وأكتر حاجة نفسي أقدمها الفترة الجاية، أي حاجة تنفع الإنسان، زي الأخلاقيات والتعاملات والضمير".
سبب ابتعادها عن السينما
وتحدثت عن غيابها عن السينما قائلة:"وسبب اختفائي عن السينما، مدام مفيش حاجة مناسبة ليا، مش هعملها، وكل واحد بيعمل دور حلو، مفيش حد أكبر واحد ولا أعظم واحد، كل واحد في دوره بيعمله حلو".
وردًا على سؤال حول أكثر النجوم الشباب نجاحًا في المسرح، قالت:"الحقيقة مقدرش أقول أشخاص يعني، متسألنيش مين وفين والمميز والغير مميز، كل واحد بيعمل حاجة بيبقى مميز فيها، مفيش حد مطلق يعني".
وعن قرار الاعتزال، علقت قائلة:"لما أحس إن أنا مش قادرة أعمل حاجة، هاخد القرار ده".
ماذا قالت سميحة أيوب عن "مسرح مصر"
وتحدثت عن التغيرات التي طرأت على المسرح قائلة:"الاختلاف في المسرح، كل وقت وله أذان، منقدرش نقول ارجع يا زمان. والاختلاف في المحتوى، وفي وجهات النظر، وحاجات كتير".
أما عن تجربتها مع العروض المسرحية في الفترة الأخيرة، فقالت:"محضرتش مسرحيات الفترة الأخيرة، ومسرح مصر ده اسكتشات، وهي ناجحة مع الناس، لأنها أخدت الناس على المسرح، ورجلهم راحت على المسرح، وده شيء جميل جدًا. لكن هو اسكتشات، مش مسرح بمعنى الكلمة، بس له الفضل إنه عمل رواج".
واختتمت الفنانة الراحلة حديثها بالإشادة بالمخرج خالد جلال، قائلة: "وخالد جلال ظاهرة فنية جميلة، وأفاد كتير من الشباب، وطلع جيل جديد، وبعدين مش في مصر بس، في العالم العربي".
